• Ды Хуыцауимӕ цӕудзынӕ?
    Хъахъхъӕнӕн мӕсыг 2005 | 1 ноябрь

    • 5. Йесо адӕймаджы цардыл дзургӕйӕ дзырд «ӕлмӕрин»-ӕй цӕмӕн спайда кодта?

      5 Библи арӕх адӕймаджы царды кой кӕнгӕйӕ афтӕ фӕдзуры, цыма фӕндагыл кӕнӕ балцы цӕуы. Кӕмдӕр комкоммӕ фӕзӕгъы афтӕ, кӕмдӕр та – нӕ, фӕлӕ дзы уыцы хъуыды вӕййы. Цӕвиттон, Йесо загъта: «Стӕй уӕ йӕ мӕтӕй йӕ цардыл бирӕ нӕ, фӕлӕ иу сахат [комкоммӕ: иу ӕлмӕрин] бафтауын дӕр кӕй бон бауыдзӕн?» (Матфейы 6:27, НТ). Йесо адӕймаджы цардыл дзургӕйӕ дзырд «ӕлмӕрин»-ӕй цӕмӕн спайда кодта, кӕд ӕмӕ ӕлмӕринӕй фӕндаг барынц, цард та рӕстӕджы барӕнтӕй баргӕ у?a Ӕвӕццӕгӕн, Йесо цард абарста фӕндагимӕ кӕнӕ балцимӕ. Зӕгъын ӕй фӕндыд, ӕмӕ адӕймаг куы мӕт кӕна, уӕд уымӕй йӕ цардыл ницы бафтдзӕн, уыцы фӕндагыл гыццыл къахдзӕф дӕр размӕ нӕ акӕндзӕн. Уӕдӕ уый афтӕ ӕмбаргӕ у, ӕмӕ Хуыцауимӕ цас цӕудзыстӕм, уый мах бар нӕу? Нӕ. Гъемӕ нӕ уӕдӕ ныр хъӕуы дыккаг фарст равзарын: цӕмӕн нӕ хъӕуы Хуыцауимӕ цӕуын?

  • Ды Хуыцауимӕ цӕудзынӕ?
    Хъахъхъӕнӕн мӕсыг 2005 | 1 ноябрь

    • a 2004 азы уагъд «Ног Фӕдзӕхст»-ы ног тӕлмацы куыд у, афтӕ иуӕй-иу тӕлмацты дзырд «ӕлмӕрин»-ы бӕсты ныффыстой, рӕстӕг кӕмӕй барынц, ахӕм дзырдтӕ. Фӕлӕ дзы грекъаг ӕвзаджы цы дзырд ис, уый бӕлвырдӕй амоны «ӕлмӕрин», ома 45 сантиметры.