Фыдгӕнӕджы мардӕй йӕ кӕй амардзысты, уымӕй йӕ Фыды ном куы фӕхудинаг уа, уый йын ӕнцой нӕ лӕвӕрдта. Фӕлӕ Йегъовӕ йӕ Фырты куывдтытӕ фехъуыста, ӕмӕ йӕм йӕ зӕды ӕрӕрвыста, цӕмӕй йӕ бафидар кодтаид. Фӕлӕ Йесо уый фӕстӕ дӕр афтӕ нӕ загъта, ныр мӕ кувыны сӕр нал хъӕуы, зӕгъгӕ. Ныр «ноджы зӕрдиагдӕрӕй» райдыдта кувын. Йӕ уд цы уынгӕджы уавӕры уыд, уый, ӕвӕццӕгӕн, ныхӕстӕй бамбарын кӕнӕн нӕй. Уӕззау уаргъ ӕрӕнцад йе уӕхсчытыл! Уыцы сахат куыд бакодтаид, уымӕй кӕнгӕ уыд йе ’нусон фидӕн, стӕй коммӕгӕс адӕмы ӕнусон цард дӕр. Йесо афтӕ тынг тыхсти, ӕмӕ «йӕ хид туджы хуызӕн сси ӕмӕ зӕхмӕ тагъд» (Лукайы 22:44).