нысан кӕны, уый дӕр нӕ базондзысты. Ӕмӕ, уӕвгӕ, цы нысан кӕны?

Хуыцауӕн йӕ ном цы нысан кӕны, уый йӕхӕдӕг бамбарын кодта йӕ иузӕрдион лӕггадгӕнӕг Моисейӕн. Моисей Йегъовӕйы йӕ номӕй куы бафарста, уӕд ын уый загъта: «Ӕз суыдзынӕн, чи мӕ бафӕнда, уый» (Рацыд 3:14). Ацы ныхӕстӕ ууыл дзурӕг сты, ӕмӕ Йегъовӕ свӕййы, йӕ фӕндтӕ сӕххӕст кӕнынӕн ӕй цӕйфӕнды сӕр ма бахъӕуа, уый.

Зӕгъӕм, дӕ бон у, цыдӕриддӕр дӕ бафӕнда, уый фестын ӕмӕ дӕ цыдӕриддӕр бафӕнда, уый саразын. Цы саразис де ’мбӕлттӕн? Исчи сӕ куы фӕрынчын уа, уӕд дохтыр нӕ фестис ӕмӕ йӕ нӕ адзӕбӕх кӕнис? Кӕнӕ ӕхцайӕ тынг куы фӕтыхса, уӕд хъӕздыг адӕймаг нӕ фестис ӕмӕ йын йӕ къух нӕ саразис? Фӕлӕ адӕймагӕн йӕ бон алцы нӕу. Йегъовӕ та свӕййы, йӕ фӕндтӕ сӕххӕст кӕнынӕн ӕй цӕйфӕнды сӕр ма бахъӕуа, уый. Ӕмӕ Библи дарддӕр куы ахуыр кӕнай, уӕд уый дӕхӕдӕг уындзынӕ. Йегъовӕйӕн ӕхсызгон у, чи йӕ уарзы, уыдоны тыххӕй йӕ хъару равдисын ӕмӕ сын баххуыс кӕнын (2 Азфыстыты 16:9). Йегъовӕ ахӕм диссаджы Хуыцау кӕй у, уый никуы бамбардзысты, йӕ ном ын чи нӕ зоны, уыдон.

Уӕдӕ Хуыцауы ном, Йегъовӕ, ӕнӕмӕнгӕй хъуамӕ уа Библийы. Хуыцауы ном цы нысан кӕны, уый куы зонӕм ӕмӕ йӕ сӕрибарӕй куы дзурӕм, уӕд нӕ уӕларвон Фыд Йегъовӕмӕ ноджы тынгдӕр баввахс уыдзыстӕмa.

ПЕХУЫМПАР Данел цард Йесойы райгуырдӕй 500 азы раздӕр. Фӕлӕ йын Йегъовӕ уыцы рӕстӕг цы раргом кодта, уый фӕрцы базонӕн уыд, Йесо Хуыцауы сыгъдӕг тыхӕй сӕрст кӕд хъуамӕ ӕрцыдаид, ома Мессийӕ, кӕнӕ Чырысти, кӕд хъуамӕ суыдаид, уыцы рӕстӕг. Хуыцау Данелӕн загъта: «Уӕдӕ йӕ базон ӕмӕ йӕ бамбар: Иерусалим фӕстӕмӕ йӕ къахыл слӕууын кӕныны тыххӕй ӕмӕ йӕ ногӕй саразыны тыххӕй бардзырд куы рацӕуа, уӕдӕй Разамонӕг Мессийӕйы фӕзындмӕ рацӕудзӕн авд къуырийы ӕмӕ ӕхсай дыууӕ къуырийы» (Данел 9:25).

Цӕмӕй, Мессийӕ кӕд хъуамӕ ӕрцыдаид, уый сбӕрӕг кӕнӕм, уый тыххӕй уал фыццаг хъуамӕ базонӕм, уыцы рӕстӕг нымайын кӕцы азӕй хъӕуы, уый. Пехуымпар Данелы ныхӕстӕм гӕсгӕ, «Иерусалим фӕстӕмӕ йӕ къахыл слӕууын кӕныны тыххӕй ӕмӕ йӕ ногӕй саразыны тыххӕй бардзырд куы рацӕуа, уӕдӕй». Ӕмӕ уыцы бардзырд кӕд рацыд? Библийы фысджытӕй сӕ иу, Нееми, куыд загъта, афтӕмӕй Иерусалимы къултӕ ногӕй саразыны бардзырд рацыд, «Артаксеркс дыууынӕм аз куы уыд паддзах, уыцы аз» (Нееми 2:1, 5–8). Историктӕ куыд зӕгъынц, афтӕмӕй Артаксерксӕн йӕ хицаудзинады фыццаг ӕнӕхъӕн аз уыди н. э. размӕ 474 аз. Ӕмӕ уӕд йӕ хицаудзинады 20-ӕм аз та хауы н. э. размӕ 455 азмӕ. Уӕдӕ ныр зонӕм, Мессийӕйы ӕрцыды тыххӕй Данел цы загъта, уый нымайын кӕй хъӕуы н. э. размӕ 455 азӕй.

Данел бамбарын кодта, «Разамонӕг Мессийӕйы» ӕрцыдмӕ цы рӕстӕг ис, уый цас хъуамӕ ахастаид. Йӕ пехуымпарады скодта «авд къуырийы ӕмӕ ӕхсай дыууӕ къуырийы» кой – ӕдӕппӕтӕй 69 къуырийы. Уый цас у? Библийы иуӕй-иу тӕлмацтӕй бӕрӕг у, уыцы къуыритӕй алкӕцы дӕр 7 боны кӕй нӕ уыд, фӕлӕ 7 азы. Рагзаманты дзуттӕгтӕ зонгӕ уыдысты ӕвдгай азтӕй нымадимӕ. Зӕгъӕм, алы ӕвдӕм аз дӕр-иу сын уыд Сабаты аз (Рацыд 23:10, 11). Уӕдӕ 69 къуырийы сты 69 рӕстӕджы, ӕмӕ уыцы рӕстӕджытӕй алкӕцыйы дӕр ис 7 азы. Ӕмӕ уымӕ гӕсгӕ 69 «къуырийы» сты 483 азы.

Ныр ма нӕ хъӕуы ацы нымӕцтӕ иууылдӕр иумӕ банымайын. Н. э. размӕ 455 азӕй 483 азы куы ранымайӕм, уӕд ӕрцӕудзыстӕм н. э. 29 азмӕ. Раст уыцы аз Йесо донаргъуыд райста ӕмӕ сси Мессийӕ! (Лукайы 3:1, 2, 21, 22)a. Библийы пехуымпарад афтӕ лыстӕг хабӕртты онг кӕй сӕххӕст, уый диссаг нӕу?

ЦӔМӔЙ адӕмӕн сӕ бон уыдаид, Мессийӕ чи у, уый базонын, уый тыххӕй Йегъовӕ йӕ пехуымпартӕн Библийы ныффыссын кодта бирӕ пехуымпарӕдтӕ. Зӕгъӕм, уыцы пехуымпартӕ бирӕ лыстӕг хабӕрттӕ ныффыстой Хуыцауы ӕрвыст Ирвӕзынгӕнӕгӕн йӕ райгуырд, йӕ лӕггад ӕмӕ йӕ мӕлӕты тыххӕй. Уыцы пехуымпарӕдтӕ иууылдӕр сӕххӕст сты Йесо Чырыстийыл. Адӕймаджы дисы ӕфтауы, уыцы пехуымпарӕдтӕ лыстӕг хабӕртты онг куыд сӕххӕст сты, уый. Ӕркӕсӕм-ма, Мессийӕйӕн йӕ райгуырд ӕмӕ йӕ сабибонты тыххӕй бирӕ раздӕр цы хабӕрттӕ уыд загъд, уыдонмӕ.

Пехуымпар Исай йӕ рӕстӕджы загъта, Мессийӕ кӕй уыдзӕн паддзах Давиды байзӕддаг (Исай 9:7). Ӕмӕ Йесо ӕцӕгдӕр рацыд Давиды хӕдзарвӕндагӕй (Матфейы 1:1, 6–17).

Михей дӕр уыди Хуыцауы пехуымпар, ӕмӕ уый та загъта, уыцы саби кӕй райгуырдзӕн «Вифлеем Ефрафӕйы» ӕмӕ кӕй суыдзӕн хицау (Михей 5:2). Йесойы райгуырды заман Израилы уыди дыууӕ Вифлеемы. Уыцы горӕттӕй иу уыди цӕгатырдыгӕй, Назаретмӕ хӕстӕг, иннӕ та – Иудӕйы, Иерусалиммӕ хӕстӕг. Иерусалиммӕ хӕстӕг цы Вифлеем уыди, уый кӕддӕр хуыдтой Ефрафӕ. Йесо райгуырд уыцы горӕты – пехуымпар куыддӕриддӕр загъта, афтӕ! (Матфейы 2:1).

Библийы ма фыст ӕрцыд ахӕм пехуымпарад дӕр, зӕгъгӕ, Хуыцау йӕ Фырты «Египетӕй» ракӕндзӕн. Йесо гыццыл куы уыди, уӕд ӕй йӕ ныййарджытӕ Египетмӕ ахастой. Ӕмӕ, паддзах Ирод куы амард, уӕд фӕстӕмӕ йӕ райгуырӕн бӕстӕмӕ ӕрыздӕхтысты. Афтӕ сӕххӕст ацы пехуымпарад дӕр (Оси 11:1; Матфейы 2:15).

Хуыцауы Ныхасы Мессийӕйы тыххӕй цы пехуымпарӕдтӕ ӕрцыд фыст, уыдон куыд сӕххӕст сты, уый дӕ бон фенын у таблицӕйы «Пехуымпарӕдтӕ Мессийӕйы тыххӕй». Уыцы таблицӕйы ис дзырдтӕ «Пехуымпарад» ӕмӕ «Йӕ сӕххӕст», сӕ бынмӕ та – Библийӕ стихтӕ. Кӕрӕдзиимӕ сӕ куы абарай, уӕд фендзынӕ, Хуыцауы Ныхасы цы фыст ис, уый алкӕддӕр кӕй сӕххӕст вӕййы. Ӕмӕ уый фӕрцы дӕ уырнындзинад ноджы тынгдӕр бафидар уыдзӕн.

Уыцы стихтыл куы хъуыды кӕнай, уӕд-иу дӕ рох ма уӕд, Йесойы райгуырдӕй ӕнустӕ раздӕр кӕй ӕрцыдысты фыст. Йесо афтӕ загъта: «Моисейы закъоны, Пехуымпарты чингуыты ӕмӕ Псаломты мӕн тыххӕй цы фыст ис, уыдон иууылдӕр... хъуамӕ сӕххӕст уой» (Лукайы 24:44). Ӕмӕ Библи куыд ӕвдисы, афтӕмӕй дзы иу дӕр нӕ фӕмӕнг – иууылдӕр лыстӕг хабӕртты онг сӕххӕст сты!

АФТӔ чи хъуыды кӕны, ӕмӕ Хуыцау Троицӕ у, уыдон зӕгъынц, зӕгъгӕ, дам, Хуыцауӕн ис ӕртӕ цӕсгомы – Фыд, Фырт ӕмӕ Сыгъдӕг Уд. Ӕртӕйӕ дӕр, дам, сын ис ӕмхуызон бартӕ ӕмӕ, дам, сты ӕппӕтхъомысджын. Стӕй, дам, сӕ иуӕн дӕр райдиан нӕй. Ацы ахуырадмӕ гӕсгӕ афтӕ уайы, ӕмӕ Фыд