Куыд ис «Мӕ библион радзырдты чиныг»-ӕй хуыздӕр спайда кӕнӕн
1 Иегъовӕ нын кӕлгӕуӕлдайӕ дӕтты диссаджы монон хӕринаг. Йӕ фылдӕр хай сты, фӕстаг азты цы чингуытӕ рацыд, уыдон. Июны парахат кӕндзыстӕм «Мӕ библион радзырдты чиныг». Хорз уаид, ацы чиныджы мидисмӕ куы ӕркӕсиккам ӕмӕ дзы иу цалдӕр хъуыдыйы куы равзариккам, уацамынды ныхас райдайӕн куыд ис, уымӕн.
2 Куыд дзы ис хуыздӕр спайда кӕнӕн? Ацы чиныджы адӕймаг йӕ хъус цӕмӕ ӕрдара ӕмӕ йын йӕ зӕрдӕ цы бацагайа, ахӕм цыдӕртӕ бирӕ ис: цаутӕ фӕд-фӕдыл куыд фыст сты, тынг бирӕ нывтӕ, цыбыр радзырдтӕ, стӕй ма афтӕ фыст у, ӕмӕ йӕ ис ӕнӕ искӕй ӕххуысӕй дӕр ахуыр кӕнӕн. Уыдӕттӕ нын фӕахъаз уыдзысты иннӕтӕн ӕххуыс кӕнынӕн. Фадат дын куы фӕзына, уӕд ӕй адӕмӕн дӕтдзынӕ? Иуӕй-иу ахуырдзаутӕ йӕ семӕ скъоламӕ хастой ӕмӕ йӕ се ’мкъласонтӕн лӕвӕрдтой. Ахуыргӕнджытӕй дӕр чидӕртӕ айстой ацы чиныг ӕмӕ йӕ фӕстӕдӕр иуӕй-иутӕ сӕ ахуыргӕнинӕгтӕн кастысты. Бирӕ чингуытӕ бантыст апарахат кӕнын, хъусынгӕнджытӕ-иу ӕй сӕ хӕлӕрттӕ ӕмӕ сӕ сыхӕгтӕн кӕй фенын кодтой, ӕрмӕст уый фӕрцы дӕр. Ноджы ма ацы чингуытӕй чысыл нӕ апарахатчындӕуыд хӕстӕджытӕ ӕмӕ йӕ ӕмкусджытӕн кӕй лӕвар кодтой, уый руаджы. Иу ӕфсымӕр-иу арӕх Библийыл ныхас кӕнын райдыдта, ӕхсӕнадон транспорты цӕугӕйӕ-иу йӕ къухы ацы чиныг кӕй уыд ӕмӕ-иу ӕй кӕй каст, уый фӕрцы.
3 Кӕм цӕрыс, уым хъусынгӕнгӕйӕ, дӕ бон у зӕгъын:
◼ «Ӕз дӕр ам хӕстӕг цӕрын; фӕнды мӕ дӕуӕн иу хорз хабар зӕгъын, тагъд рӕстӕджы ӕгас зӕххыл сабырдзинад кӕй уыдзӕн. Не ’ппӕты дӕр куыннӕ фӕнды фӕрнӕй цӕрын, афтӕ нӕу? [Бауадз ӕй йӕ хъуыды зӕгъын.] Мах ӕй иууылдӕр уынӕм, адӕм цас архайынц, цӕмӕй сабырдзинад уа. Фӕлӕ ма дӕ хъус ӕрдар, ӕцӕг сабырдзинад чи ӕрӕвӕрдзӕн, уый тыххӕй Библи цы дзуры. [Бакӕс Псалом 45:9, 10.] Хӕстытӕ куы банцайой ӕмӕ сӕ чи расайы, уыдон куы нал уой, уӕд Хуыцау бацархайдзӕн, цӕмӕй зӕххыл фыдӕхдзинад мауал уа. Уымӕй нын ныфс ӕвӕры псаломзарӕггӕнӕг Псаломы 71:2 ныхӕстӕй. [Бакӕс ӕй.] Хуыцау сабыр зӕххыл цӕрын бауадздзӕн, йемӕ чи зонгӕ кӕны ӕмӕ йын чи лӕггад кӕны, уыдоны. „Мӕ библион радзырдты чиныг“ бирӕтӕн ӕххуыс кӕны Хуыцауы уагӕвӕрдтӕ ӕххӕст кӕнынӕн. Ныфс мӕ ис, ӕмӕ дӕуӕн дӕр кӕй баххуыс кӕндзӕн».
4 Кӕнӕ та дӕ бон у зӕгъын:
◼ «Мах ныхас кӕнӕм, бирӕтӕ ӕцӕгдӕр цӕмӕн аргъ кӕнынц, ууыл. Уый у мӕнӕ ацы диссаджы чиныг — „Мӕ библион радзырдты чиныг“. Чи зоны дӕм искуы сӕвзӕрд ахӕм фарстытӕ». Рафӕлдах чиныджы 1 хай ӕмӕ сӕргонд «Дуне сфӕлдисынӕй Доны хъаймӕты онг»-ы бакӕс фыццаг абзац. Уый фӕстӕ равдис фыццаг ӕмӕ дыккаг радзырдтӕм цы нывтӕ ис, уыдон, ӕмӕ сӕ бамбарын кӕн.
5 Нӕ литературӕ мингӕйтты сразӕнгард кодта Библи лӕмбынӕг иртасынмӕ. Цы базыдтой, уый сын амондджын фидӕны ныфс ратта (Пс. 145:5). Мах нӕхицӕн стыр кадыл нымайӕм ахӕм адӕмӕн ӕххуыс кӕнын.