Ӕцӕг чырыстон иудзинад. Куыд?

¹ Цы хъуамӕ иу кӕна 234 бӕстӕйы цӕрӕг ӕмӕ иу-380 ӕвзагыл дзурӕг ӕхсӕз милуанӕй фылдӕр адӕймаджы? Ӕрмӕстдӕр, Иегъовӕ Хуыцауӕн кӕй кувынц, уый (Мих. 2:12; 4:1—3). Иегъовӕйы Ӕвдисӕнтӕ йӕ сӕхицӕй зонынц, абон ӕцӕг чырыстон иудзинадӕн гӕнӕн кӕй ис. «Иу дзуг» кӕй стӕм ӕмӕ нын «иу фыййау» кӕй дӕтты разамынд, уымӕ гӕсгӕ фидар лӕудзыстӕм, адӕмы кӕрӕдзийы ныхмӕ чи кӕны, дунейы уыцы зондахасты ныхмӕ (Иоан. 10:16; Еф. 2:2).

² Хуыцауы ӕнӕивгӕ фӕндон у ӕмбаргӕ сфӕлдисондты раст дины баиу кӕнын (Рарг. 5:13). Ацы хъуыддаг ахсджиаг кӕй у, уый Йесо зыдта ӕмӕ зӕрдӕбынӕй куывта, цӕмӕй йӕ фӕдылдзӕуджыты ’хсӕн иудзинад уа (Иоан. 17:20, 21). Махӕй алкӕмӕндӕр йӕ бон куыд у чырыстон ӕмбырды иудзинадӕн ахъаз кӕнын?

³ Иудзинадӕн куыд ис гӕнӕн. Ӕнӕ Хуыцауы Ныхасӕй ӕмӕ ӕнӕ йӕ сыгъдӕг удӕй чырыстон иудзинад никуы уыдаид. Библийы цы бакӕсӕм, уымӕ гӕсгӕ куы фӕархайӕм, уӕд Хуыцауы сыгъдӕг удӕн фӕдӕттӕм нӕ цардыл сӕрибарӕй ӕндавыны бар. Уый фӕрцы «иудзинад хъахъхъӕнӕм, фидыддзинады цӕдисы» (Еф. 4:3). Уый нын ӕххуыс кӕны кӕрӕдзийӕн уарзондзинадӕй хатыр кӕнынӕн (Кол. 3:13, 14; 1 Пет. 4:8). Иудзинадӕн ахъаз кӕныс Хуыцауы Ныхасыл алы бон дӕр хъуыдыгӕнгӕйӕ?

⁴ Мах ма иу кӕны нӕ хъусын кӕныны хъуыддаг дӕр. Уацамынды иннӕтимӕ фӕрсӕй-фӕрстӕм куы «фӕтох кӕнӕм евангелийы уырниады сӕрыл» (НФ), уӕд свӕййӕм «ӕмкусджытӕ ӕцӕгады» (Фил. 1:27; 3 Иоан. 8, НД). Афтӕмӕй ӕмбырды уарзондзинады иугӕнӕг тӕгтӕ фидардӕр кӕнынц. Цӕуылнӕ ис ацы къуыри уацамынды ацӕуӕн, рагӕй кӕимӕ нӕ хъусын кодтай, ахӕм хъусынгӕнӕгимӕ?

⁵ Цӕй стыр кад у, абон зӕххыл ӕрмӕстдӕр цы иу ӕцӕг ӕхсӕнадӕмон ӕфсымӕрад ис, уым кӕй стӕм! (1 Пет. 5:9). Ӕрӕджы ӕхсӕнадӕмон конгрессты, «Кадджын кӕнут Хуыцауы», зӕгъгӕ, мингай адӕм уыцы дунеон иудзинад сӕхи цӕстӕй федтой. Уӕдӕ махӕй алчидӕр ацы зынаргъ иудзинадӕн ахъаз кӕнӕд Хуыцауы Ныхас алы бон кӕсгӕйӕ, дайуаг фарстытӕ уарзондзинады мидӕг лыггӕнгӕйӕ ӕмӕ хорз хабар «ӕмзӕрдӕйӕ» хъусынгӕнгӕйӕ (Ром. 15:6).

Агурӕм аккаг адӕмы

¹ Йесо куыд дзырдта, афтӕ хъусын кӕнын ӕнцон нӕу. Уый загъта: «Цавӕр сахармӕ кӕнӕ хъӕумӕ [ма] бацӕуат сымах, ссарут аккаг адӕймаг» (Матф. 10:11). Абон адӕм сӕ хӕдзӕртты къаддӕр рӕстӕг кӕй вӕййынц, уымӕ гӕсгӕ сӕ нӕ бон куыд у агурын?

² Ахъуыды кӕн дӕ участокыл. Фыццаджыдӕр уал ахъуыды кӕн дӕ участокыл. Адӕм сӕ хӕдзӕртты арӕхдӕр кӕд вӕййынц? Кӕм сӕ ис бонӕй ссарӕн? Хуыздӕр нӕм кӕд байхъусдзысты, ахӕм бӕлвырд бон, йе та рӕстӕг ис? Дӕ участокы цӕрӕг адӕмы боны фӕтк ӕмӕ уавӕртӕм гӕсгӕ дӕ уацамынд куы пълан кӕнай, уӕд дӕ къухы бафтдзӕн иууыл хуыздӕр ӕнтыстытӕ (1 Кор. 9:23, 26).

³ Хъусынгӕнджытӕй бирӕтӕ адӕмы сӕ хӕдзӕртты ссарынц изӕрыгӕтты. Уыцы рӕстӕджы иуӕй-иутӕ фӕкӕнынц улӕфгӕ ӕмӕ хуыздӕр фӕхъусынц. Зымӕджы тагъд кӕй ӕрталынг вӕййы, уымӕ гӕсгӕ изӕрыгӕтты телефонӕй хъусынгӕнгӕйӕ (бар кӕм ис, уым), гӕнӕн ис фылдӕр адӕмимӕ аныхас кӕнӕн. Адӕмӕн ма хорз хабар фехъусын кӕнӕн ис ӕхсӕнадон бынӕтты ӕмӕ куыстуӕтты дӕр.

⁴ Фылдӕр цы мӕйты фӕхъусын кӕнӕм, уыцы мӕйтӕй иуы иу ӕмбырд сфӕнд кодта уацамынды цӕуын сабат-хуыцаубоны фӕссихор, ӕмӕ ӕртыццӕг ӕмӕ майрӕмбоны та изӕрырдӕм. Уыдон ма хъусын кодтой телефонӕй ӕмӕ ӕхсӕнадон бынӕтты дӕр. Ацы хъуыддӕгтӕ хъусынгӕнджыты зӕрдӕмӕ афтӕ тынг фӕцыдысты ӕмӕ ӕмбырд аскъуыддзаг кодта дарддӕр дӕр афтӕ хъусын кӕнын.

⁵ Адӕммӕ-иу ногӕй ӕнӕмӕнгдӕр бацу. Дӕ участокы адӕмы куы нӕ ӕййафай ӕмӕ ногӕй семӕ дӕ бон куы нӕ уа аныхас кӕнын, уӕд-иу алы фембӕлды фӕстӕ дӕр, уыимӕ фыццаг фембӕлды фӕстӕ дӕр, семӕ баныхас кӕн, иннӕ хатт бӕлвырд кӕд фембӕлдзыстут, ууыл. Дӕ ныхас-иу ӕнӕмӕнг сӕххӕст кӕн (Матф. 5:37). Кӕд ӕмбӕлон уа, уӕд-иу хӕдзары хицауы телефоны номыр райс. Уый фӕрцы дӕр дӕ бон уыдзӕн адӕймагимӕ ногӕй аныхас кӕнын.

⁶ Аккаг адӕмы куы агурӕм ӕмӕ гыццыл дӕр чи бацымыдис кодта, уыдонмӕ ногӕй куы цӕуӕм ӕмӕ уый зӕрдиагӕй куы аразӕм, уӕд нӕ Иегъовӕ йӕ хорзӕхӕй ӕнӕмӕнгдӕр схайджын кӕндзӕн (Ӕмб. 21:5).