2004 февралы уацамынды хыгъд

Уӕрӕсе Рӕстӕмбис нымӕц

дык. Би.

хъус. сах. жур. бац. ах.

сӕрм. пион. 375 129,2 97,6 74,3 7,8

пионертӕ 15 302 68,5 51,9 35,0 3,3

ӕх. пион. 6 639 52,2 41,1 24,0 2,0

хъус. 112 851 12,3 13,6 6,1 0,6

ӕдӕппӕтӕй: 135 167 донаргъуыд райстой: 247

Куыд ис ӕхсӕнадон бынӕтты хъусын кӕнӕн

1. Ӕхсӕнадон бынӕтты хъусын кӕнын хорз цӕмӕй у?

¹ Адӕм бацӕуӕгыл кӕм бацин кӕнынц ӕмӕ алкӕддӕр сӕхимӕ кӕм вӕййынц, ахӕм ран дӕ нӕ фӕнды хъусын кӕнын? Ахӕм бынӕттӕ ссарын дӕ бон у дӕхи ӕмбырды территорийы. Куыд? Уе ’мбырды территорийы цы дуканитӕ, фирмӕтӕ ӕмӕ куыстуӕттӕ ис, уым хъусынгӕнгӕйӕ. Ахӕм рӕтты адӕмимӕ чи фӕныхас кӕны, уыцы хъусынгӕнджытӕ арӕх райгонд вӕййынц.

2. Цы хъӕуы саразын ӕхсӕнадон бынӕтты хъусын кӕнын райдайынӕн?

² Иуӕй-иу ӕмбырдты территоримӕ хауынц ӕхсӕнадон бынӕттӕ дӕр. Участоктӕн дзуапдӕттӕг ӕфсымӕрӕн йӕ бон у, бирӕ дуканитӕ ӕмӕ куыстуӕттӕ цы бынӕтты ис, уыдон участоктыл адих кӕнын ӕмӕ сын хицӕн картӕтӕ саразын. Цӕрӕнхӕдзӕртты участокы ӕхсӕнадон бынӕттӕ куы уа, уӕд картӕйы бӕлвырд хъӕуы бацамонын, уыдон ацы участокмӕ кӕй нӕ хауынц. Ӕндӕр рӕтты та ис куыстуӕтты дӕр ӕмӕ цӕрӕн хӕдзӕртты дӕр хъусын кӕнӕн. Кӕд ӕхсӕнадон бынӕтты раздӕр никуы хъусын кодтай, уӕд уал дӕ бон у бафӕлварын гыццыл дуканиты.

3. Ӕхсӕнадон бынӕтты нын ӕнтыстджынӕй хъусын кӕнынӕн цы баххуыс кӕндзӕн?

³ Хуымӕтӕг ныхас кӕн. Дуканиты хъусынгӕнгӕйӕ дӕ уӕлӕдарӕс хъуамӕ уа, Паддзахады залмӕ фембӕлдмӕ цӕугӕйӕ куыд аив вӕййы, афтӕ. Хуыздӕр у дуканимӕ ахӕм рӕстӕг бацӕуын, ӕмӕ дзы бирӕ ӕлхӕнджытӕ куы нӕ вӕййы кӕнӕ рады куы ничи фӕлӕууы. Бафӕрс, хицауимӕ кӕнӕ та йӕ хӕдивӕгимӕ кӕм ис аныхас кӕнӕн. Дзур цыбыртӕй ӕмӕ хъуыддагыл. Цы у дӕ бон зӕгъын?

4—6. Цы у нӕ бон зӕгъын дуканийы хицауӕн кӕнӕ уӕйгӕнӕгӕн?

⁴ Дуканийы хицауимӕ кӕнӕ уӕйгӕнӕгимӕ ныхасгӕнгӕйӕ дӕ бон у зӕгъын: «Адӕм афтӕ ӕнӕвдӕлон сты ӕмӕ сӕ хӕдзары стӕм хатт баййафӕм. Уымӕ гӕсгӕ дӕм куыстмӕ ӕрбацыдыстӕм. Нӕ журналты фыссынц абоны цауты тыххӕй ӕмӕ адӕмы фидӕныл». Уый фӕстӕ журналӕй иу хъуыды ӕрхӕсс.

⁵ Кӕнӕ та хуымӕтӕгӕй ис афтӕ райдайӕн: «Бирӕты фӕнды Библи хуыздӕр базонын, фӕлӕ сын ӕппындӕр рӕстӕг нӕй. Ацы трактаты дзырд цӕуы лӕвар ахуырыл. Ахӕм ахуыры фӕрцы дӕ бон уыдзӕн, Библийӕ дӕм цы фарстытӕ ис, уыдонӕн дзуапп ссарын». Уый фӕстӕ йын трактат «Фӕнды дӕ Библи хуыздӕр базонын?»-ы равдис 4 ӕмӕ 5 фӕрстӕ.

⁶ Адӕймаджы куы нӕ ӕвдӕла, уӕд ын ратт трактат ӕмӕ йын зӕгъ: «Ӕндӕр хатт дӕм ӕрбацӕудзынӕн, рӕстӕг дын куы уа, уӕд. Ацы трактаты цы фыст ис, уый тыххӕй мӕ дӕ хъуыды фӕндид базонын».

7. Ӕхсӕнадон бынӕтты чи байхъуыста, уыдонӕн нӕ бон куыд у дарддӕр ӕххуыс кӕнын?

⁷ Чи байхъуыста, уыдонӕн дарддӕр ӕххуыс кӕн. Ӕхсӕнадон бынӕтты дӕ бон у искӕимӕ Библи ахуыр кӕнын дӕр. Сӕрмагонд пионер иу амалхъом адӕймагӕн иудадзыг хаста журналтӕ. Уыцы нӕлгоймаг куы загъта, зӕгъгӕ, цы бакастӕн, уый мӕ зӕрдӕмӕ фӕцыд, уӕд ын пионер равдыста, брошюрӕ «Цы домы»-йӕ Библи куыд фӕахуыр кӕнынц, уый. Ӕмӕ растдӕр уым, куысты, райдыдтой ахуыр кӕнын. Уавӕртӕ хынцгӕйӕ не ’фсымӕр архайдта, цӕмӕй-иу ахуыры рӕстӕг 10—15 минутӕй фылдӕр ма уыдаид. Цӕй уӕдӕ мах дӕр дарддӕр агурӕм, аккаг чи у, уыдоны, ӕхсӕнадон бынӕтты хъусынгӕнгӕйӕ.

Журнал дӕтгӕйӕ цы ис зӕгъӕн

Хъахъхъӕнӕн мӕсыг, 1 авг.

«Ахӕм цауы тыххӕй [журналы цъарыл ӕвдыст чи у] абон ног хабӕртты куы радзуриккой, уӕд адӕмӕн сӕ фылдӕры нӕ бауырнид. Дӕумӕ та куыд фӕкӕсид? [Бауадз ӕй йӕ хъуыды зӕгъын. Уый фӕстӕ бакӕс Маркы 4:39]. Чырысти ӕцӕгдӕр диссӕгтӕ кӕй арӕзта, ууыл цӕмӕ гӕсгӕ ис ӕууӕндӕн? Ууыл дзырд цӕуы ацы „Хъахъхъӕнӕн мӕсыг“-ы».