Ахуыр кӕнӕм чиныг «Кувут Хуыцауӕн»
1 Адӕмимӕ чиныг «Библи бӕлвырдӕй цы дзуры?» ахуыр куы фӕуӕм, уӕд-иу рахизӕм чиныгмӕ «Кувут иунӕг ӕцӕг Хуыцауӕн». Чиныгахуыры йӕ куы равзарӕм, уӕд дзы уацамынды хуыздӕр пайда кӕндзыстӕм, стӕй ма нын баххуыс кӕндзӕн, цӕмӕй Йегъовӕйы ӕмӕ йын йӕ организаци тынгдӕр уарзӕм ӕмӕ сын аргъ кӕнӕм. Куыд хъӕуы ацы чиныг ахуыр кӕнын, цӕмӕй нын фылдӕр пайда ӕрхӕсса?
2 Куыд ӕй хъӕуы ахуыр кӕнын? Чиныгӕй алы къуыри дӕр иу сӕр кӕй ахуыр кӕндзыстӕм, уымӕ гӕсгӕ чиныгахуырты цӕстдарджыты хъӕудзӕн рӕстӕг хорз пълан кӕнын. Фыццаг абзацтыл цыбыртӕй куы ныхас кӕнат, уӕд-иу уын фылдӕр рӕстӕг баззайдзӕн, дарддӕр цы ахсджиаг ӕрмӕг уыдзӕн, уый равзарынӕн. Рамкӕйы цы фарстатӕ ис, уыдоныл-иу алы ахуыры фӕстӕ дӕр аныхас кӕнут, цӕмӕй сӕйраг хъуыдытӕ уӕ зӕрдыл бадарат.
3 Чиныджы иуӕй-иу сӕргӕндты ис, ахъуыды кӕнын ӕмӕ аныхас кӕнын кӕуыл хъӕуы, ахӕм фарстатӕ (кӕс 48, 49 фӕрстӕ). Чиныгахуыры рӕстӕджы абзацтӕ кӕсгӕйӕ ӕнӕмӕнг нӕу уыцы фарстатӕ кӕсын. Рӕстӕг куыд амона, уымӕ гӕсгӕ чиныгахуыры цӕстдарӕг искӕмӕн бакӕсын кӕндзӕн, цы стихтӕ сӕм ис, уыдон, ӕмӕ сыл аныхас кӕндзыстут.
4 Рагацау цӕттӕ кӕнӕм. Цӕмӕй чиныгахуырмӕ нӕхи хорз бацӕттӕ кӕнӕм, уый тыххӕй ӕрмӕст дзуаппытӕ бахахх кӕнын фаг нӕу. Цӕттӕ кӕныны размӕ-иу скувӕм ӕмӕ Библийы стихтыл ахъуыды кӕнӕм. Уый фӕрцы ӕрмӕст дзуаппытӕ нӕ, фӕлӕ нӕ зӕрдӕтӕ дӕр бацӕттӕ кӕндзыстӕм, уый та ноджы ахсджиагдӕр у (Езд. 7:10). Зӕрдиагӕй куы дзуапп кӕнӕм, стӕй иннӕтӕн дӕр ныхасы бар куы дӕттӕм, уӕд кӕрӕдзийы уырнындзинадӕй бафидар уыдзыстӕм (Ром. 1:11, 12).
5 Ацы чиныджы фӕрцы Йегъовӕмӕ баввахсдӕр уыдзыстӕм ӕмӕ сыгъдӕгзӕрдӕ адӕмӕн дӕр баххуыс кӕндзыстӕм, цӕмӕй йын немӕ лӕггад кӕной (Пс. 95:6; Иак. 4:8). Цӕй уӕдӕ ацы чиныг не ’ппӕтӕн дӕр стыр пайда ӕрхӕссӕд.