Куыд пайда кӕнӕм мыхуыр цӕвиттонтӕй

1. Мыхуыр цӕвиттонтӕ цӕй тыххӕй сты?

¹ «Нӕ хъусын кӕныны хъуыддаджы» иудадзыгдӕр мыхуыр цӕуынц нӕ журналтӕ ӕмӕ ӕндӕр литературӕ куыд парахат кӕнын хъӕуы, уымӕн цӕвиттонтӕ. Хъусынгӕнгӕйӕ ӕнӕмӕнг нӕу, куыд фыст сты, комкоммӕ сӕ афтӕ дзурын. Мыхуыр цӕвиттонтӕ нын ӕххуыс кӕнынц, сӕйраджыдӕр цӕуыл дзурын хъӕуы, уымӕн. Хуыздӕр вӕййы, хи ныхӕстӕй куы фӕдзурӕм, уӕд. Ӕнӕуи куыд фӕдзурӕм, адӕймагимӕ афтӕ куы ныхас кӕнӕм, уӕд нӕ тыхсдзӕн ӕмӕ ӕнцонӕй дзурдзӕн йӕ хъуыдытӕ (2 Кор. 2:17; 1 Фес. 1:5).

2. Мыхуыр цӕвиттонтӕ цӕттӕгӕнгӕйӕ бынӕттон ӕгъдӕуттӕ рох кӕнын цӕуылнӕ хъӕуы?

² Уавӕр куыд домы, афтӕ дзур. Хорз хабар куыд хъусын кӕнӕм, уый арӕх аразгӕ у бынӕттон ӕгъдӕуттӕй. Кӕм хъусын кӕныс, уым цы ӕгъдау ис: фыццаг уал салам раттынц ӕмӕ дардӕй райдайынц сӕ ныхас ӕви комкоммӕ хъуыддагмӕ рахизынц? Алы ран дӕр, суанг ма алы адӕймагӕн дӕр йӕхи ӕгъдау ис. Фарстытӕ дӕтгӕйӕ ма хъуамӕ ӕмбаргӕ дӕр уӕм. Иуӕй-иу ран цы фарстытӕ радтӕн ис, уыдонӕй, ӕндӕр ран та, гӕнӕн ис, адӕймаг фефсӕрмы уа. Уымӕ гӕсгӕ хъуамӕ уӕм арфуынӕг ӕмӕ, уавӕр куыд дома, нӕ ныхас афтӕ аразӕм.

3. Уацамынды, адӕм цас ахуыргонд ӕмӕ цы зондыл хӕст сты, уый зӕрдыл дарын цӕмӕн хъӕуы?

³ Уымӕй уӕлдай ма, уацамындмӕ куы фӕцӕттӕ кӕнӕм, уӕд хъуамӕ ма рох кӕнӕм, кӕм хъусын кӕнӕм, уым адӕм цас ахуыргонд ӕмӕ цы зондыл хӕст сты. Зӕгъӕм, аргъуанмӕ цӕуӕг адӕймагимӕ Матфейы 6:9, 10 куыд аныхас кӕнай, афтӕ, уыцы куывд чи нӕ зоны, уыимӕ нӕ аныхас кӕндзынӕ. Куыд дзурдзыстӕм, ууыл гыццыл лӕмбынӕгдӕр куы хъуыды кӕнӕм, уӕд цы адӕмыл ӕмбӕлӕм, уыдоны уавӕртӕм гӕсгӕ ивдзыстӕм нӕ ныхас (1 Кор. 9:20–23).

4. Цӕмӕн хъӕуы хорз цӕттӕ кӕнын?

⁴ Кӕд нӕ мыхуыр цӕвиттонӕй спайда кӕнын фӕнды, уӕд дӕр ӕй хъӕуы хорз бацӕттӕ кӕнын. Адӕймагӕн нӕ цы статья кӕнӕ цы сӕргонд фӕнды равдисын, уый хъуамӕ лӕмбынӕг бакӕсӕм ӕмӕ йӕ чи бацымыдис кӕна, ахӕм хъуыдытӕ дзы ссарӕм. Уый фӕстӕ сӕм нӕ ныхасы ис адӕймаджы хъус ӕрдарӕн. Нӕ литературӕйы цы диссаджы хъуыдытӕ ис, уыдон куы зонӕм, зӕрдӕрухсӕй йӕ уӕд парахат кӕндзыстӕм.

5. Цӕмӕн нӕ хъӕуы алыхуызон цӕвиттонтӕ цӕттӕ кӕнын ӕмӕ уый нӕ бон куыд у аразын?

⁵ Цы ма ис саразӕн. Ӕрмӕстдӕр мыхуыр цӕвиттонтӕм гӕсгӕ ис дзурӕн? Нӕ. Кӕд дын ӕндӕр цӕвиттон кӕнӕ стих ӕрхӕссын ӕнцондӕр уа, уӕд, табуафси. Журналтӕ дӕтгӕйӕ дӕ бон у, ӕрмӕст фыццагӕй нӕ, фӕлӕ иннӕ статьятӕй дӕр райдайын дӕ ныхас, кӕд кӕм хъусын кӕныс, уым адӕмӕн уӕлдай цымыдисаг уой, уӕд. Хъусын кӕныны фембӕлды литературӕ парахат кӕнынӕн цы цӕвиттонтӕ вӕййы, уыдон ис афтӕ фӕивӕн, цӕмӕй нӕм адӕм ӕнӕзивӕгдӕрӕй хъусой. Афтӕмӕй алкӕмӕндӕр йӕ бон у хорз хабар ӕнтыстджынӕй хъусын кӕнын.

Кинонывтӕ DVD-йыл

«Туг уадзыны бӕсты ног мадзӕлттӕ – документалон кинонывтӕ» – ахӕм номимӕ DVD-йыл рацыд ӕртӕ кинонывы. Сӕ иу у «Туг уадзыны бӕсты ног мадзӕлттӕ – хуымӕтӕг, ӕдас, ахъаз». Арӕзт у дохтыртӕн, медицинон ахуыргӕнӕндӕтты студенттӕн, ӕмӕ дзы уымӕ гӕсгӕ, иннӕ дыууӕимӕ абаргӕйӕ, операцитӕ куыд кӕнынц, ахӕм нывтӕ ис фылдӕр. Дыккаг – «Медицинӕ ӕнӕ тугӕй. Куыд ис рынчынӕн баххуыс кӕнӕн, йӕ бартӕ хынцгӕйӕ» – сӕрмагондӕй у, медицинӕйы тыххӕй чи фыссы, уыцы журналисттӕн, ӕнӕниздзинады фадыджы, тӕрхондоны кусджытӕн, стӕй уӕд ӕхсӕнадон кусджытӕн. Дзырд дзы цӕуы, рынчынтӕн сӕ бартӕ хынцгӕйӕ баххуыс кӕнӕн куыд ис. Ӕртыккаг та – «Иу туджы ӕртах дӕр нӕ. Медицинӕ разы кӕны» – сӕйраджы дӕр у ӕнӕуи адӕмӕн. Ацы диск афтӕ арӕзт у, ӕмӕ дзы ныхӕстӕ фыст сты цалдӕр ӕвзагыл: англисаг, испайнаг, италиаг, немыцаг, португайлаг (бразилиаг), уырыссаг, французаг ӕмӕ япойнаг. Кӕцыфӕнды дӕр дзы равзарӕн ис. Ацы кинонывтӕ дӕ бон равдисын у дӕ дохтырӕн, Библи кӕимӕ ахуыр кӕныс, уыдонӕн, дӕ хӕстӕджытӕн, дӕ зонгӕтӕн, де ’мкусджытӕн, ахуыргӕнджытӕн ӕмӕ скъолайы кӕимӕ ахуыр кӕныс, уыдонӕн.