Сывӕллӕттӕ – Хуыцауы лӕвар

1. Фыд йӕ цотӕй у сӕрыстыр,

Мад йӕ хъӕбулты цӕрайӕ цӕры.

Фӕлӕ сӕ зӕрдыл хъуамӕ дарой:

Хуыцауы раз хӕсджын ысты.

Хъӕбул Йегъовӕйы лӕвар у –

Уый цард дӕтты, уый уарзты суадон у.

Ныййарӕг кӕд йӕ зондмӕ хъуса,

Уыдзӕн уӕд алкӕд йӕ цотӕй буц.

2. Стыр Хуыцауы ’ппӕт ныхӕстӕ

Хъуамӕ алкӕддӕр уӕ зӕрдӕты уой.

Уӕ цотӕн сӕ сӕ зонды ’вӕрут,

Цӕмӕй сӕ стӕй ӕххӕст кӕной.

Хуыцауы раст закъоныл дзурут

Хӕдзары дӕр ӕмӕ фӕндагыл дӕр.

Сӕ фидӕн уӕд рӕсугъд уыдзӕни,

Уыдзысты арфӕгонд алкӕддӕр.