Цы уынут, уымӕй ма цӕрут, фӕлӕ уырнындзинадӕй

Ромӕгтӕ Иерусалимыл куы ’ртыхстысты ӕмӕ йӕ куы ныппырх кодтой, уымӕй гыццыл раздӕр апостол Павел ныффыста, чырыстӕттӕ Йесо Чырыстийы хъӕбатыр ӕфсӕддонтӕ кӕй сты, уымӕ гӕсгӕ кӕй хъуамӕ ӕмбарой, зындзинӕдтыл кӕй ӕмбӕлдзысты, стӕй сӕхи уды дзӕбӕхӕн кӕй хъуамӕ ма цӕрой (2 Тим. 2:3, 4). Ацы ӕнӕхуыцау дунейӕн тагъд йӕ кӕрон кӕй ӕрцӕудзӕн, уымӕ гӕсгӕ нын хъуамӕ уа фидар уырнындзинад ӕмӕ нын царды ӕппӕты сӕйрагдӕр хъуамӕ уа Хуыцауы хъуыддаг (2 Кор. 4:18; 5:7). Бакӕсут кинонывмӕ «Ходите верой, а не тем, что видите» ӕмӕ-иу уӕ хъус ӕрдарут, Нахам ӕмӕ Авиталӕйӕн сӕ зӕрдӕ сӕ мулкыл баст кӕй уыд, уый аххосӕй цавӕр фыдбылызы бахаудысты, уымӕ. Уый фӕстӕ-иу ахъуыды кӕнут, дӕлдӕр цы фарстатӕ ис, уыдоныл.

1) «Бӕстӕ чи сафы, уыцы ӕлгъагдзинад сыгъдӕг бынаты» фыццаг ӕнусы цӕмӕ амыдта ӕмӕ Иерусалимы цӕрӕг чырыстӕтты цы бахъуыди саразын? (Матф. 24:15, 16). 2) Цӕмӕй горӕтӕй алыгъдаиккой, уый тыххӕй сӕ уырнындзинад цӕмӕн хъуыди? 3) Сӕхи сӕ цӕмӕй бахъуыди фӕцух кӕнын? 4) Нахам ӕмӕ Авиталӕ цӕмӕн фӕстиат кодтой? (Матф. 24:17, 18). 5) Рахил Иерусалимӕй куы лыгъди, уӕд ма йӕ уырнындзинад ноджыдӕр фӕлвӕрд куыд ӕрцыд? (Матф. 10:34–37; Мар. 10:29, 30). 6) Ефан куыд равдыста, йӕ уырнындзинад фидар кӕй уыд ӕмӕ йӕ ныфс Йегъовӕйыл кӕй дардта? 7) Пеллӕйы цӕрӕг чырыстӕттӕ цавӕр зындзинӕдтыл сӕмбӕлдысты? 8) Нахам ӕмӕ Авиталӕйӕн сӕ уырнындзинад сабыргай-сабыргай куыд ӕрлӕмӕгъ? 9) Пеллӕйы цӕрӕг чырыстӕттӕн Йегъовӕ куыд ӕххуыс кодта? (Матф. 6:33; 1 Тим. 6:6–8). 10) Ацы дунейы кӕрон тынг хӕстӕг кӕй у, уымӕ гӕсгӕ Авраам ӕмӕ Саррӕйы фӕзмын нӕ бон куыд у? (Дзут. 11:8–10). 11) Нахам ӕмӕ Авиталӕ Иерусалиммӕ аздӕхынӕн сӕхицӕн цавӕр ӕфсон ссардтой ӕмӕ уый рӕдыд къахдзӕф цӕмӕн уыд? (Лук. 21:21). 12) Нахам ӕмӕ Авиталӕ Иерусалиммӕ куы ӕрыздӕхтысты, уӕд дзы хабар ӕцӕгдӕр куыд уыди? 13) Цалынмӕ ацы дунейы кӕрон не ’рцыд, уӕдмӕ нӕ нӕ уырнындзинад фидар кӕнын цӕмӕн хъӕуы? (Лук. 17:31, 32; 21:34–36).

Уырнындзинадӕй цӕрын нысан кӕны 1) Йегъовӕйы разамындыл ӕууӕндын, 2) нӕ цард уымӕ гӕсгӕ аразын ӕмӕ 3) Хуыцауы хъуыддӕгтӕ нын мулкӕй сӕйрагдӕр кӕй сты, уый ӕвдисын. Цӕй уӕдӕ алкӕддӕр уырнындзинадӕй цӕрӕм ӕмӕ фидарӕй ӕууӕндӕм ацы ныхӕстыл: «Дуне дӕр фӕивгъуыйы ӕмӕ йӕ монцтӕ дӕр, Хуыцауы фӕндон чи ӕххӕст кӕны, уый та цӕрдзӕн ӕнустӕм» (1 Иоан. 2:17).