Хъуамӕ алы хатт дӕр кӕсӕм, цӕмӕй, кӕм бадтыстӕм, уым нӕ фӕстӕ мацы бырон ныууадзӕм. Иннӕтыл хъуамӕ хъуыды кӕнӕм ӕмӕ уымӕ ма ӕнхъӕлмӕ кӕсӕм, нӕ фӕстӕ исчи кӕй бафснайдзӕн.

⁵ Иу Залы. Зӕхх ӕмӕ хӕдзӕрттӕ зынаргъ кӕй сты, уымӕ гӕсгӕ бирӕ Паддзахады залтӕй фӕпайда кӕнынц цалдӕр ӕмбырды. Зӕгъӕм, горӕтты иу Залӕй фӕпайда кӕнынц фондз-ӕхсӕз ӕмбырды. Алы ӕмбырд дӕр хъуамӕ тыхса Паддзахады залы сыгъдӕгдзинадыл, ӕмӕ ӕмбара, уый Йегъовӕйы кӕй у ӕмӕ йӕ кадӕн арӕзт кӕй ӕрцыд. Паддзахады залмӕ ӕрмӕст уый тыххӕй нӕ зилӕм, Йегъовӕйы кӕй уарзӕм, фӕлӕ ма кӕй уарзӕм, махӕй уӕлдай Залӕй чи пайда кӕны, уыцы ӕмбырдты цы хотӕ ӕмӕ ӕфсымӕртӕ ис, уыдоны дӕр.

⁶ Арӕхдӕр Паддзахады зал бафснайынц къуыри иу хатт. Иу Залӕй цалдӕр ӕмбырды кӕм пайда кӕнынц, уым алы фембӕлды фӕстӕ дӕр фӕхъӕуы бафснайын, цӕмӕй йӕ иннӕ ӕмбырд сыгъдӕгӕй ӕрбаййафа. Уый ма хауы хуыцаубонмӕ дӕр, фембӕлдтӕ фӕд-фӕдыл куы фӕцӕуынц. Рӕстӕг куы амона, уӕд хорз уаид иннӕ ӕмбырды размӕ иу гыццыл рафснайын. Залы уыциу бон цалдӕр ӕмбырды куы ӕмбӕлой ӕмӕ йын йӕ сыгъдӕгдзинадмӕ йӕ хъус куы ничи дара, уӕд, гӕнӕн ис, боны кӕронмӕ тынг счъизи уа.

⁷ Хуыцауы хъуыддӕгты иу зондыл хӕст куыд стӕм ӕмӕ ӕмхуызон куыд хъуыды кӕнӕм, афтӕ уӕм нӕ Паддзахады залмӕ зилыны хъуыддаджы дӕр (1 Кор. 1:10).

Хъусинӕгтӕ

◼ Литературӕ парахат кӕнынӕн. 1–12 ноябрь: ӕппӕтдунеон зиу – парахат кӕнӕм трактат «Тагъд мӕнг дин фесӕфдзӕн!». 13–30 ноябрь: чиныг «Хъус ӕппӕты хуыздӕр Ахуыргӕнӕгмӕ». Адӕймаг куы зӕгъа, зӕгъгӕ мын сывӕллӕттӕ нӕй, уӕд ын ратт трактат «Фӕнды дӕ Библи хуыздӕр базонын?» кӕнӕ ӕндӕр трактат. Декабрь: 192-фарсон чингуытӕй кӕцыфӕнды дӕр кӕнӕ, кӕд ӕмбырды баззад брошюрӕтӕ «Йегъовӕйы Ӕвдисӕнтӕ XX ӕнусы», уӕд уыдон. Кӕд нӕй, уӕд парахат кӕнӕн ис чиныг «Базонынад» кӕнӕ брошюрӕ «Ма бафынӕй ут!». Январь: «Ӕппӕты номдзыддӕр адӕймаг». Кӕнӕ та уый бӕсты парахат кӕнӕн ис «Мӕ библион радзырдты чиныг». Февраль: «Баввахс у Иегъовӕмӕ». Парахат кӕнӕн ма ис ӕндӕр чингуытӕ дӕр.

◼ Сӕрдариуӕггӕнӕг цӕстдарӕг кӕнӕ уый кӕмӕн бахӕс кӕна, уыцы ӕфсымӕр хъуамӕ ӕркӕса ӕмбырды ӕхцайы хыгъдтӕм 1 декабры кӕнӕ уый фӕстӕ, цас тагъддӕр, уыйас хуыздӕр. Куы сӕм ӕркӕсат, уӕд уый тыххӕй фехъусын кӕнут, ӕмбырды иннӕ мӕйы хыгъд куы бакӕсат, уый фӕстӕ.

◼ 2006 азы 22 июлы Йегъовӕйӕн снывонд кодтой Паддзахады зал поселок Ильскийы (Краснодары край). Программӕмӕ байхъуыста 198 адӕймаджы.

Фарстыты асыкк

◼ Куыд у нӕ бон ӕмбырды чиныгахуыры чырыстон ӕгъдау ӕвдисын?

Мах нӕ сыхӕгтӕй ӕнӕбафиппайгӕ никуы баззайӕм. Уыдон хатт фӕдзурынц, нӕхи куыд дарӕм, уый тыххӕй. (Абар 1 Коринфӕгтӕм 4:9.) Мах, Йегъовӕйы лӕггадгӕнджыты, фӕнды, цӕмӕй нӕ нӕ уагахасты тыххӕй дзурой ӕрмӕстдӕр хорз (1 Пет. 2:12). Уый хауы, ӕмбырды чиныгахуыр нын кӕм вӕййы, уым нӕхи куыд дарӕм, уымӕ дӕр. Чиныгахуыртӕн сӕ фылдӕр фӕцӕуынц хотӕ ӕмӕ ӕфсымӕрты хӕдзӕртты. Уый тыххӕй хъуамӕ уӕлдай лӕмбынӕг уӕм, ӕмӕ алы хъуыддаджы дӕр нӕ уагахаст ӕмбӕлон уа. Зӕгъӕм, чиныгахуыр кӕм цӕуы, уым машинӕтӕн ӕрлӕууӕн бынӕттӕ фаг нӕй. Цымӕ уӕд хорз нӕ уаид, машинӕтӕ кӕмӕн ис, уыдон куы баныхас кӕниккой, цӕмӕй кӕрӕдзи радыгай ласой ӕмӕ сыхӕгты ма тыхсын кӕной? Адӕмы кӕй уарзӕм, уымӕ гӕсгӕ-иу нӕ машинӕтӕ ахӕм ран сӕвӕрдзыстӕм, цӕмӕй макӕй хъыгдарой ӕмӕ нӕм мачи мӕсты кӕна.

Мах кӕддӕриддӕр кӕрӕдзийыл фӕцин кӕнӕм ӕмӕ бирӕ хатт хъӕрӕй фӕныхас кӕнӕм фембӕлды размӕ кӕнӕ йӕ фӕстӕ (Мих. 2:12). Нӕхи дарын кӕй зонӕм ӕмӕ иннӕтыл кӕй хъуыды кӕнӕм, уымӕ гӕсгӕ хъӕрӕй нӕ дзурдзыстӕм (Матф. 7:12; Гал. 6:10). Чырыстон уарзондзинад нӕм кӕй ис, уый тыххӕй кӕсдзыстӕм нӕ сывӕллӕттӕм дӕр, цӕмӕй кӕрты ма ралидз-балидз кӕной ӕмӕ мацы знаггад ракӕной (Ӕмб. 29:15; 1 Кор. 13:4, 5). Нӕ уагахаст ма хъуамӕ ӕмбӕлон уа, чиныгахуыр кӕм фӕцӕуы, уыцы хӕдзары дӕр. Исчи йӕхи хорз куы нӕ дара, уӕд хистӕр нӕлгоймӕгтӕ хъуамӕ фӕстиат ма кӕной, фӕлӕ йын хӕларзӕрдӕйӕ ӕмӕ фидарӕй уынаффӕ раттой. Уымӕн ӕмӕ, гӕнӕн ис, хъуыддаг уый онг ӕрцӕуа, ӕмӕ сыхӕгтӕ хъаст кӕнын райдайой, чиныгахуыр кӕй хӕдзары ис, уыцы уазӕгуарзон фысым сфӕлмӕца кӕнӕ, фембӕлды чи вӕййы, уыдон стыхсой.