13 УРОК

Ӕмбарын кӕн, царды кӕм бахъӕудзӕн

Ӕмбисӕндтӕ 3:21

НЫСАН: Хъусджытӕн бамбарын кӕн, цӕуыл дзурыс, уый сӕм куыд хауы ӕмӕ уымӕ гӕсгӕ архайӕн куыд ис, уый.

Дӕ хъусджытыл хъуыды кӕн. Ахъуыды-иу кӕн, цы дзурыс, уый зонын сӕ цӕмӕн хъӕуы ӕмӕ сын фылдӕр пайда цы уыдзӕн, ууыл.
Дӕ ныхасы райдианӕй кӕронмӕ ӕмбарын кӕн, дӕ хъусджытӕ цы хъуамӕ аразой, уый. Афтӕ дзур, цӕмӕй хъусджытӕй алчидӕр уайтагъд ахъуыды кӕна, ацы уынаффӕ мӕнмӕ хауы, зӕгъгӕ. Алы сӕйраг хъуыдыйы фӕстӕ-иу бамбарын кӕн, куыд сӕ ис пайда кӕнӕн, уый. Хъуыддаг бӕстон ӕмбарын кӕн, уӕлӕнгай нӕ, фӕлӕ.

Фӕлмӕнӕй ӕмбарын кӕн, Библийы уагӕвӕрдтӕй куыд пайда кӕнын хъӕуы, уый. Афтӕ ма ныхас кӕн, цӕмӕй иннӕтӕ сӕхи аххосджыныл нымайой, фӕлӕ сын сӕ уырнындзинад фидар кӕн ӕмӕ сын ӕххуыс кӕн, цӕмӕй Йегъовӕмӕ ’ввахсдӕр кӕной. Ма дызӕрдыг кӕн, раст цы у, уый аразын сӕ кӕй бафӕнддзӕн.