• Хуыцау сылгоймӕгтӕм цы цӕстӕй кӕсы?
    Хъахъхъӕнӕн мӕсыг 2012 | 1 сентябрь

    • Хуыцау сылгоймӕгтӕм цы цӕстӕй кӕсы?

      «Тӕригъӕд райдыдта сылгоймагӕй, ӕмӕ кӕй мӕлӕм, уый тыххӕй хъуамӕ уымӕй уӕм бузныг» (СИРАХЫ ФЫРТ ЙЕСОЙЫ ЗОНДЫ ЧИНЫГ. НӔ ЭРӔЙЫ РАЗМӔ ДЫККАГ ӔНУС).

      «Хӕйрӕг дунемӕ дӕу уылты ӕрбацыд, фыццаг ды бахордтай, хӕрӕн кӕмӕй нӕ уыд, уыцы бӕласы дыргътӕй, фыццаг ды ахызтӕ Хуыцауы закъоны сӕрты... Ды хорзӕй ницыуал ныууагътай, Хуыцау йӕхимӕ гӕсгӕ кӕй скодта, уыцы адӕймаджы» (ТЕРТУЛЛИАН. СЫЛГОЙМАДЖЫ ДЗАУМӔТТЫ ТЫХХӔЙ. НӔ ЭРӔЙЫ ДЫККАГ ӔНУС).

      АЦЫ ныхӕстӕ Библийӕ ист не сты, фӕлӕ ӕнусты дӕргъы бирӕтӕн ӕфсон уыдысты, цӕмӕй сылгоймӕгтӕн мацы бартӕ лӕвӕрдтаиккой. Суанг ма абон дӕр экстремисттӕ дины чингуытӕй фӕпайда кӕнынц, цӕмӕй ахӕм закъон фидаргонд ӕрцӕуа, ӕмӕ сылгоймӕгтыл сӕ бар цӕуа, уымӕн ӕмӕ сӕ ныхӕстӕм гӕсгӕ уыдон сты аххосджын адӕмы фыдбылызты. Цымӕ Хуыцау сылгоймӕгты уый тыххӕй сфӕлдыста, цӕмӕй сӕ нӕлгоймӕгтӕ мацӕуыл нымайой ӕмӕ сӕ ӕфхӕрой? Библийы уый фӕдыл цы фыст ис? Цӕй, ӕмӕ ацы фарстатыл бӕстондӕр аныхас кӕнӕм.

      Хуыцау сылгоймаджы ӕцӕгдӕр ралгъыста?

      Хуыцау сылгоймаджы нӕ ралгъыста, фӕлӕ, «Хӕйрӕг... чи хуыйны... уыцы рагон калмы» (Раргомад 12:9; Райдиан 3:14). Афтӕ кӕй загъта, Адам йӕ усы «хӕрдмӕ скӕсын нӕ уадздзӕн», зӕгъгӕ, уымӕй йӕ уый зӕгъын нӕ фӕндыд, ӕмӕ нӕлгоймагӕн уый бар ис, цӕмӕй сылгоймаджы ӕфхӕра (Райдиан 3:16). Уыцы ныхӕстӕй Хуыцау бамбарын кодта, фыццаг лӕг ӕмӕ ус йӕ коммӕ кӕй нӕ бакастысты, уый сӕ цы ӕвзӕр уавӕрмӕ ӕркӕндзӕн, уый.

      Уӕдӕ, сылгоймӕгты кӕй ӕфхӕрынц, уый Хуыцауы фӕндон нӕу. Хабар афтӕ у, адӕймаг тӕригъӕдджын кӕй у, уый тыххӕй. Бирӕты хъуыдымӕ гӕсгӕ, нӕлгоймаг хъуамӕ сылгоймаджы ӕфхӕра, цӕмӕй, адӕймаг сылгоймаджы аххосӕй кӕй сси тӕригъӕдджын, уый йын хатыргонд ӕрцӕуа. Фӕлӕ Библийы ахӕмӕй ницы ис фыст (Ромӕгтӕм 5:12).

      Хуыцау сылгоймаджы нӕлгоймагӕй дӕлдӕр сӕвӕрдта?

      Нӕ. Райдианы 1:27 стихы фыст ис: «Хуыцау сфӕлдыста адӕймаджы йӕхимӕ гӕсгӕ, сфӕлдыста йӕ Хуыцаумӕ гӕсгӕ. Сфӕлдыста сӕ нӕлгоймагӕй ӕмӕ сылгоймагӕй». Уӕдӕ ӕппӕты райдианы Хуыцау нӕлгоймаджы дӕр ӕмӕ сылгоймаджы дӕр афтӕ сфӕлдыста, цӕмӕй сӕ бон уыдаид, Хуыцаумӕ цы миниуджытӕ ис, уыдон ӕвдисын. Ӕмӕ кӕд Адам ӕмӕ Евӕйӕн сӕ буӕрттӕ ӕмхуызон нӕ уыдысты ӕмӕ сӕ зондахаст дӕр цӕмӕйдӕрты хицӕн кодта, уӕддӕр сын се Сфӕлдисӕг Хуыцау иу хъуыддаг бахӕс кодта ӕмӕ сӕ дыууӕйӕн дӕр ӕмхуызон бартӕ радта (Райдиан 1:28–31).

      Хуыцау Евӕйы сфӕлдыста, цӕмӕй Адамӕн ӕххуысгӕнӕг уыдаид

      Хуыцау куы сфӕнд кодта, цӕмӕй Евӕйы сфӕлдыстаид, уӕд загъта: «Скӕнон ын [Адамӕн],