Цӕвиттонты руаджы ахуыр кӕн

Матфейы 13:34, 35

НЫСАН: Хуымӕтӕг цӕвиттонтӕ хӕсс, цӕмӕй хъусджыты зӕрдӕмӕ фӕндаг ссарай ӕмӕ сӕ ахсджиаг хъуыддӕгтыл ахуыр кӕнай.

УЫЙ КУЫД ИС АРАЗӔН

• Хуымӕтӕг цӕвиттонтӕ хӕсс. Зынӕмбарӕн цы у, уый Чырыстийау хуымӕтӕгӕй ӕмбарын кӕн. Цӕмӕй дӕ цӕвиттон ӕнцонӕмбарӕн уа, уый тыххӕй, ахсджиаг чи нӕу, ахӕм лыстӕг хабӕрттӕ ма дзур. Бацархай, цӕмӕй хъусджытӕ раст ӕмбарой, цӕвиттон темӕимӕ куыд баст у, уый.

• Хъусджытыл хъуыды кӕн. Хъусджытӕ хорз кӕй зонынц кӕнӕ сӕ цардимӕ баст чи у, ахӕм цӕвиттонтӕ хӕсс. Кӕмӕй фефсӕрмы уой кӕнӕ сӕм хъыг чи фӕкӕса, ахӕм цӕвиттонтӕ ма хӕсс.

• Сӕйраг хъуыдытӕ амон. Хӕсс, ӕрмӕстдӕр сӕйраг хъуыдытимӕ баст чи у, ахӕм цӕвиттонтӕ. Бацархай, цӕмӕй адӕймаг ӕрмӕст цӕвиттон ма бахъуыды кӕна, фӕлӕ ма йын ӕй цӕмӕн радзырдтай, уый дӕр.