Ацы уроктӕ дын фылдӕр пайда кӕд ӕрхӕсдзысты?
Искӕмӕн зӕгъ, цӕмӕй дын баххуыс кӕна. Ацы брошюрӕ дын чи радта, уымӕн зӕгъ, цӕмӕй демӕ Библи ахуыр кӕнын райдайа кӕнӕ та курдиат байдзаг кӕн нӕ сайты jw.org.
ФЫЦЦАГ ХАЙ
Абзацтӕ-иу бакӕс, уыимӕ ставд дамгъӕтӕй фыст фарстатӕ (1) ӕмӕ, сӕйраг хъуыдытӕ чи ӕмбарын кӕны, уыцы стихтӕ (2). Дӕ хъус ӕрдар, иуӕй-иу стихты размӕ фыст кӕй ис «Бакӕс».
ДЫККАГ ХАЙ
Рубрикӕйы «Фылдӕр базон» цы фыст ис (3), уымӕй-иу базондзынӕ, дӕлдӕр дзырд цӕуыл цӕуы, уый. Дӕлсӕргӕндты (4) фыст вӕййынц урочы сӕйраг хъуыдытӕ. Стихтӕ-иу бакӕс, фарстатӕн-иу дзуапп ратт ӕмӕ-иу видеороликтӕм бакӕс (5).
Нывтӕм-иу ӕркӕс ӕмӕ-иу бакӕс, цы фыст сӕм ис, уый (6). Ахъуыды-иу кӕн, цавӕр дзуапп раттис, рубрикӕйы «Иуӕй-иутӕ фӕзӕгъынц» (7) цы фыст ис, уымӕн.
ӔРТЫККАГ ХАЙ
Алы урочы кӕрон дӕр ис рубрикӕтӕ «Цы базыдтай» ӕмӕ «Дӕ зӕрдыл ӕрлӕууын кӕн» (8). Ныффысс-иу, урок ахуыр кӕд фӕдӕ, уый. Рубрикӕйы «Дӕ нысан» (9) фыст вӕййы, цы саразын дӕ хъӕуы, уый. Рубрикӕйы «Фылдӕр ӕрмӕг» (10) ис, дӕ зӕрдӕмӕ чи фӕцӕудзӕн, ахӕм статьятӕ ӕмӕ видеороликтӕ.
Библийы стихтӕ куыд агурын хъӕуы
Фыццаг амынд вӕййы Библийы чиныджы ном (1), стӕй сӕр (2), уый фӕстӕ та стих кӕнӕ стихтӕ (3). Зӕгъӕм, Иоанны 17:3 у Иоанны чиныг, 17-ӕм сӕр, 3-аг стих.