Ацы чиныг дын фылдӕр пайда кӕд ӕрхӕсдзӕн?
Ацы дыууӕ фарсыл цы ис, уымӕ уал ӕркӕс ӕмӕ стӕй бакӕс ВИДЕОРОЛИКМӔ.
ФЫЦЦАГ ХАЙ
Урокмӕ-иу дӕхи куы цӕттӕ кӕнай, уӕд уал-иу урокӕн йӕ фыццаг хай бакӕс. Ставд дамгъӕтӕй фыст фарстатӕ (1) ӕмӕ стихтӕ (2) ӕххуыс кӕнынц сӕйраг хъуыдытӕ бамбарынӕн. Дӕ хъус ӕрдар, иуӕй-иу стихты размӕ фыст кӕй ис «Бакӕс».
ДЫККАГ ХАЙ
Рубрикӕйы «Фылдӕр базон» цы фыст ис (3), уымӕй-иу базондзынӕ, дӕлдӕр дзырд цӕуыл цӕуы, уый. Дӕлсӕргӕндты (4) фыст вӕййынц урочы сӕйраг хъуыдытӕ. Демӕ Библи чи ахуыр кӕны, уыимӕ-иу стихтӕ бакӕс, фарстатӕн-иу дзуапп ратт ӕмӕ-иу видеороликтӕм бакӕс.
Урочы цы ВИДЕОРОЛИКТӔ кӕнӕ АУДИОЗАПИСЬТӔ ис, уыдон ӕххуыс кӕнынц ахуыргӕнӕн ӕрмӕг ноджы хуыздӕр бамбарынӕн. Иуӕй-иу видеороликты ӕвдыст цӕуы ӕцӕг хабӕрттӕ. Иннӕты та цы хабӕртты кӕнӕ цы адӕмы кой цӕуы, уыдон ӕцӕг не сты, фӕлӕ дзы ӕвдыст цӕуы, царды ӕцӕгӕй цы вӕййы, уый.
Нывтӕм-иу ӕркӕс ӕмӕ-иу бакӕс, цы фыст сӕм ис, уый (5). Ахъуыды-иу кӕн, цавӕр дзуапп раттис, рубрикӕйы «Иуӕй-иутӕ фӕзӕгъынц» (6) цы фыст ис, уымӕн.
ӔРТЫККАГ ХАЙ
Алы урочы кӕрон дӕр ис рубрикӕтӕ «Цы базыдтай» ӕмӕ «Дӕ зӕрдыл ӕрлӕууын кӕн» (7). Ныффысс-иу, урок ахуыр кӕд фӕдӕ, уый. Рубрикӕйы «Дӕ нысан» (8) фыст вӕййы, цы саразын дӕ хъӕуы, уый. Рубрикӕйы «Фылдӕр ӕрмӕг» (9) ис, дӕ зӕрдӕмӕ чи фӕцӕудзӕн, ахӕм статьятӕ ӕмӕ видеороликтӕ.
Чиныджы ис
|
|
|
|
|
Библийы стихтӕ куыд агурын хъӕуы
Библи конд у 66 гыццыл чиныгӕй. Дих кӕнынц дыууӕ хайыл: Дзуттаг-арамейаг Фыстытӕ (Рагон Фӕдзӕхст) ӕмӕ Чырыстон Грекъаг Фыстытӕ (Ног Фӕдзӕхст).
Ацы чиныджы Библийы стихтӕ амынд сты афтӕ: Библийы чиныджы ном (1), уый фӕстӕ та сӕр (2) ӕмӕ стих кӕнӕ стихтӕ (3).
Зӕгъӕм, Иоанны 17:3 у Иоанны чиныг, 17-ӕм сӕр, 3-аг стих.