Нӕ ныфс, нӕ хъару, нӕ фидар мӕсыг

1. О Йегъовӕ, радтай махӕн ныфс,

дӕ лӕвар у зынаргъ.

Уыцы ныфс ӕцӕг у диссаг –

уый дзурӕм алкӕм мах.

Фӕлӕ хатгай царды сагъӕстӕй

тас фӕзыны зӕрдӕйы,

’Мӕ нӕ ныфс, нӕ цины ирд рухс

уӕд бамынӕг вӕййы.

2. О Йегъовӕ, курӕм, баххуыс кӕн,

цӕмӕй нӕ ма уа рох,

Ды зын сахат алкӕд махӕн

кӕй раттыс удӕнцой.

Хъару бацӕудзӕн уӕд не уӕнгты,

зынг ыссудздзӕн зӕрдӕты,

’Мӕ нӕ бон уыдзӕн ныфсджынӕй

дӕ ном ӕргом кӕнын.