Чи у Хуыцау?

Адӕм рагӕй фӕстӕмӕ дӕр бирӕ алыхуызон хуыцӕуттӕн кувынц. Фӕлӕ Библийы фыст ис, кӕй ис ӕрмӕстдӕр иу Хуыцау. Ӕмӕ уыцы Хуыцау у «ӕппӕт хуыцӕуттӕй кадджындӕр» (2 Азфыстыты 2:5). Чи у уыцы Хуыцау? Ӕмӕ, адӕм кӕмӕн кувынц, ӕппӕт уыцы хуыцӕуттӕй кадджындӕр цӕмӕн у? Ацы урокӕй базондзынӕ, Хуыцау йӕхи тыххӕй цы дзуры, уый.

1. Хуыцауӕн йӕ ном куыд у ӕмӕ цӕмӕ гӕсгӕ ис зӕгъӕн, Хуыцауы кӕй фӕнды, цӕмӕй йын йӕ ном зонӕм?

Библийы Хуыцау йӕхи тыххӕй зӕгъы: «Ӕз дӕн Йегъовӕ. Уый у мӕ ном». (Бакӕс Исайы 42:5, 8.) Бирӕ ахуыргӕндты хъуыдымӕ гӕсгӕ, Хуыцауы ном, «Йегъовӕ», дзуттагау нысан кӕны «Уый афтӕ бакӕны, ӕмӕ свӕййы». Йегъовӕйы фӕнды, цӕмӕй йын йӕ ном зонӕм (Рацыд 3:15). Уый уымӕй бӕрӕг у, ӕмӕ Библийы йӕ ном ӕмбӕлы 7 000 хаттӕй фылдӕрa. О, уый у «иунӕг ӕцӕг Хуыцау уӕлейӕ арвыл ӕмӕ бынӕй зӕххыл», ӕмӕ йӕ ном у Йегъовӕ (Дыккаг закъон 4:39).

2. Библийы Йегъовӕйы тыххӕй цы фыст ис?

Библийы куыд фыст ис, афтӕмӕй, кӕд адӕм бирӕ хуыцӕуттӕн кувынц, уӕддӕр ӕрмӕстдӕр Йегъовӕ у ӕцӕг Хуыцау. Афтӕ цӕмӕн ис зӕгъӕн? Уымӕн ӕмӕ Йегъовӕ у «Иунӕг Стыр Хуыцау, Хицау ӕгас зӕххӕн». (Бакӕс Псалом 83:18.) Уый у «Ӕппӕтхъомысджын Хуыцау», ома йӕ бон цыфӕнды дӕр у саразын. Ӕппӕт дӕр уый сфӕлдыста – Дун-дуне дӕр, зӕхх дӕр ӕмӕ йыл удӕгасӕй цыдӕриддӕр ис, уый дӕр (Раргомад 4:8, 11). Йегъовӕ алкӕддӕр уыд ӕмӕ алкӕддӕр уыдзӕн (Псалом 90:2).

3. Хуыцауӕн ис бирӕ титултӕ, фӕлӕ йын ис иу ном

Базон, титул номӕй цӕмӕй хицӕн кӕны, уый. Уый тыххӕй бакӕсут ВИДЕОРОЛИКМӔ ӕмӕ стӕй аныхас кӕнут, дӕлдӕр цы фарста ис, ууыл.

ВИДЕОРОЛИК: «Титултӕ – бирӕ, ном – иу» (0:41)

• Зӕгъӕм, титул «Хицау» номӕй цӕмӕй хицӕн кӕны?

Библийы фыст ис, адӕм бирӕ хуыцӕуттӕн кӕй кувынц. Бакӕсут Псалом 136:1–3 ӕмӕ стӕй аныхас кӕнут ацы фарстайыл:

• Чи у «хуыцӕутты Хуыцау» ӕмӕ «хицӕутты Хицау»?

4. Йегъовӕйы фӕнды, цӕмӕй йын йӕ ном зонай ӕмӕ йӕ йӕ номӕй хонай

ВИДЕОРОЛИК: «Хуыцауӕн ном ис?» (скъуыддзаг) (3:11)

• Дӕумӕ гӕсгӕ, Йегъовӕйы цӕмӕн фӕнды, цӕмӕй йын йӕ ном зонӕм?

Йегъовӕйы фӕнды, цӕмӕй йӕ адӕм йӕ номӕй хоной. Бакӕсут Ромӕгтӕм 10:13 ӕмӕ стӕй аныхас кӕнут ацы фарстатыл:

• Хуыцаумӕ йӕ номӕй дзурын ахсджиаг цӕмӕн у?

• Исчи дын дӕ ном куы бахъуыды кӕны ӕмӕ дӕм дӕ номӕй куы фӕдзуры, уӕд дын ӕхсызгон нӕ вӕййы?

• Куыд дӕм кӕсы, Йегъовӕмӕ йӕ номӕй куы фӕдзурыс, уӕд ын ӕхсызгон нӕ вӕййы?

5. Йегъовӕйы фӕнды, цӕмӕй йӕ хӕлар суай

ВИДЕОРОЛИК: «Агурын ӕцӕг Хуыцауы» (8:19)

• Сотеныл куыд бандӕвта, Хуыцауы ном кӕй базыдта, уый?

Цӕмӕй искӕимӕ хорз хӕлӕрттӕ суат, уый тыххӕй уал ын хъуамӕ фыццаг йӕ ном базонай. Бакӕсут Иаковы 4:8a ӕмӕ стӕй аныхас кӕнут ацы фарстатыл:

• Йегъовӕ дын цы дзуры?

• Хуыцаумӕ йӕ номӕй куы дзурай, уӕд дын уый куыд баххуыс кӕндзӕн, цӕмӕй йӕ хӕлар суай?

ЦЫ БАЗЫДТАЙ

Йегъовӕ у иунӕг ӕцӕг Хуыцауы ном. Фӕнды йӕ, цӕмӕй йын йӕ ном зонӕм ӕмӕ йын йӕ ном дзурӕм. Афтӕмӕй йӕм ӕввахс кӕндзыстӕм.

Дӕ зӕрдыл ӕрлӕууын кӕн

• Йегъовӕ цӕмӕй хицӕн кӕны, адӕм цы хуыцӕуттӕм кувынц, уыдонӕй?

• Хуыцаумӕ йӕ номӕй дзурын цӕмӕн хъӕуы?

• Цӕмӕй бӕрӕг у, Йегъовӕйы кӕй фӕнды, цӕмӕй йӕ хӕлӕрттӕ суӕм?

ФЫЛДӔР ӔРМӔГ

Хуыцау кӕй ис, уымӕн фондз бӕлвырдгӕнӕнмӕ ӕркӕс.

«Хуыцау ӕцӕгдӕр ис?» (интернет-статья)

Базон, Хуыцау алкӕддӕр кӕй уыд, ууыл цӕмӕн ис ӕууӕндӕн.

«Хуыцауы чи скодта?» (2014 азы 1 августы «Хъахъхъӕнӕн мӕсыг»)

Базон, Хуыцауы ном цӕмӕн хъуамӕ дзурӕм, кӕд ӕй раджы заманты куыд дзырдтой, уый бӕрӕг нӕу, уӕддӕр.

«Чи у Йегъовӕ?» (интернет-статья)

Хуыцауы куыд хонӕм, уый исты уӕлдай у? Базон, цӕмӕн ис зӕгъӕн, ӕмӕ Хуыцауӕн иу ном йеддӕмӕ нӕй.

«Хуыцауӕн цал номы ис?» (интернет-статья)