«Бибелькринг»

1930 азты кӕрон Тобӕйы цады районы, Суматрӕйы цӕгат фарс, фӕзынди дины къорд «Бибелькринг» (нидерландаг ӕвзагыл нысан кӕны «Библииртасджыты къорд»). Уыцы къорд фӕзынди, иу пионер, ӕвӕццӕгӕн, Эрик Юинзс сӕм куы ’рцыди ӕмӕ цалдӕр ахуыргӕнӕгӕн Библи ӕмбарынгӕнӕн литературӕ куы ныууагъта, уый фӕстӕ. Эрик Юинзс Тобӕйы цады районы хъусын кодта 1936 азы. Ахуыргӕнджытӕ уыцы литературӕ куы бакастысты, уӕд протестантон аргъуан ныууагътой ӕмӕ скодтой къордтӕ, цӕмӕй хӕдзары Библи ахуыр кодтаиккой. Уыцы къордтӕ фылдӕр кодтой, ӕмӕ дзы цасдӕры фӕстӕ уыди цалдӕр сӕдӕ адӕймаджыa.

Уыцы къорды фыццаг чи уыд, уыдон, цы литературӕ сӕм уыди, уый фӕрцы бамбӕрстой Библийы ахуырӕдтӕй кӕцыдӕртӕ. «Тырысайӕн нал табу кодтой, Рождество ӕмӕ гуырӕнбонтӕ нал бӕрӕг кодтой. Чидӕртӕ сӕ суанг хӕдзарӕй-хӕдзармӕ дӕр хъусын кодтой»,– дзуры Даме Симболон, кӕддӕр уыди уыцы къордтӕй иуы, рӕстдзинад базыдта 1972 азы. Фӕлӕ стӕй ӕнӕ Хуыцауы организацийы ӕххуысӕй адӕймаджы хъуыдыты фӕдыл адзӕгъӕл сты. «Сылгоймӕгты нӕ уагътой сӕхи ахорын, стӕй аивгӕнӕнтӕ, сӕ рӕстӕджы кӕй дардтой, ахӕм дзаумӕттӕ ӕмӕ ма суанг дзабыртӕ дарын дӕр. Къорды чи уыд, уыдонӕн бар нӕ уыди, цӕмӕй сӕхицӕн удгоймаджы ӕвдисӕндартӕ скодтаиккой, ӕмӕ сӕм уый тыххӕй хицауад мӕсты кӕнын райдыдта»,– дзуры иу хо, Лимерия Надапдап, раздӕр уыди «Бибелькринг»-ы къорды.

Ӕппынфӕстаг «Бибелькринг»-ы къордтӕ ныддихтӕ сты ӕмӕ ныппырхытӕ сты. Фӕстӕдӕр уыцы районмӕ пионертӕ куы ӕрцыдысты, уӕд «Бибелькринг»-ы къорды уӕнгтӕй бирӕтӕ рӕстдзинад базыдтой.