Isaías

40 «¡Hotihu̱ ꞌne huꞌmpäbihu̱ rä mu̱i mä hnini!», engä näꞌä ri Zi Dadahu̱. 3 Di ntꞌo̱de toꞌo mafi ntsꞌe̱di ha yä yꞌotꞌä hai ꞌne enä: «¡Xokuäbihu̱ xä ñho näꞌä rä ꞌñuu rä Zi Dada Jeoba! Ha nuꞌu̱ yä yꞌotꞌä hai, hyokuäbihu̱ Äjuä nꞌa rä ꞌñuu näꞌä rꞌani mänjuäntho. 4 Ñutsihu̱ rä hai habu̱ ja yä hñe ꞌne hñäkihu̱ nuꞌu̱ yä mꞌu̱ꞌtsä lomä. Pe̱ꞌtsi te gi mparejahu̱ xä ñho rä ꞌñuu ꞌne gi tsogihu̱ ngu nꞌa rä ꞌmatha. 5 Ma dä nheki rä nsunda Jeoba pa gatꞌho dä hyandi, ngeꞌä de rä nese̱ rä Zi Dada Jeoba xä mängä njabu̱». 8 Rä kꞌamä tꞌe̱i otꞌi, rä do̱ni di ꞌmahni, pe rä noya Äjuä, ma dä dura pa nzäntho. 11 Ma dä su rä taxo ja ngu nꞌa rä mayꞌo di su yä de̱ti. Ko rä yꞌe̱ ma dä muntsꞌi nuꞌu̱ yä tꞌu̱kä de̱ti, ꞌne ma dä de̱xä ha rä tiñä. Ma dä yꞌe̱tꞌi ko rä nhuekäte nuꞌu̱ yä de̱ti tobe tsu̱ti yä zi tudi. 22 Äjuä ꞌmu̱i mäñä de rä ntsantꞌä xiꞌmhai, ꞌne yä mexiꞌmhai ꞌñenä ngu yä nkꞌoto. Näꞌä di tu̱ngi mähetsꞌi ngu nꞌa rä belo, ꞌne kongeꞌä ꞌñenä hoki nꞌa rä nguu pa toꞌo dä mꞌu̱i, 26 Ju̱xä ri dahu̱ pa mähetsꞌi ꞌne hyanthu̱. ¿Toꞌo xä hyoki nuyu̱ yä tꞌo̱tꞌe? Näꞌä go Geꞌä ju̱kiyu̱ po yä mꞌotho; Näꞌä nzofo kada nꞌa de gehyu̱ po yä thuhu. Ngeꞌä näꞌä pe̱ꞌtsi gatꞌho rä tsꞌe̱di, hindi mꞌe̱di nixi nꞌa de gehyu̱. 28 ¿Hage hingi pädi? ¿Hage hixkä o̱de? Jeoba, näꞌä rä Hyokäte de gatꞌho rä ngu̱ni rä xiꞌmhai, näꞌä nꞌa rä Zi Dada pa nzäntho. Näꞌä hingi tsabi nixi thege rä tsꞌe̱di. Hinto tsa dä xembäbi rä mfädiꞌä. 29 Näꞌä umbäbi rä tsꞌe̱di toꞌo xä zabi ꞌne japäbi dä ze̱di nuꞌu̱ tutho yä ndoyꞌo. 30 Asta yä bätsi tsabi ꞌne thege yä tsꞌe̱di ꞌne asta yä bäsjäꞌi di mfeꞌtse ꞌne tagi. 31 Pe nuꞌu̱ to̱ꞌmi rä Zi Dada Jeoba, ma dä nja yä tsꞌe̱di mänꞌaki, ꞌne nuꞌu̱ ma dä ñhatsꞌi ngu yä nxu̱ni. Nuꞌu̱ ma dä nextꞌihi, ꞌne hingä ma dä thege yä tsꞌe̱di; nuꞌu̱ ma dä ñꞌo, ꞌne hingä ma dä zabi».