Jueces

14 Nuꞌmu̱ mi thandi bi zo̱ni Sansón ha rä hnini Lehí, nuꞌu̱ yä filisteo bi do̱ yä mhafi de gä johya ngeꞌä mi huyämu̱i ge ya xki ntäte. Pe näꞌä rä oraꞌä, rä Zi Dada Jeoba bi umbäbi rä tsꞌe̱di Sansón, ꞌne nuꞌu̱ yä nthähi mi thätꞌi, bi nxe̱ni ꞌñenä nuꞌu̱ yä ilo de gä linu xä zätꞌi ko rä tsibi ꞌne ho̱etho. ꞌNe nuꞌu̱ yä bo̱jä mi thätꞌi ha yä yꞌe̱ bi deni ꞌne bi dagi. 15 Sansón bi dini nꞌa rä ndoyꞌo de gä go̱ne burru näꞌä xmä nkꞌatho, ꞌne kongeꞌä bi hyo 1.000 yä filisteo. 16 ꞌNe rä Sansón bi ꞌñenä: «¡Ko nꞌa rä ndoyꞌo de gä go̱ne burru..., nꞌa tꞌo̱tse̱, yo tꞌo̱tse̱! Ko nꞌa rä ndoyꞌo de gä go̱ne burru dä ho 1.000 yä ñꞌo̱ho̱». 19 Hänge Äjuä bi japäbi bi xogi nꞌa rä oꞌtsi ha näꞌä luga rä thuhu Lehí ꞌne bi mu̱di bi bo̱ni rä dehe. Sansón bi zi näꞌä rä dehe ꞌne oraꞌä bi yopä nja rä tsꞌe̱di. Hänge näꞌä rä po̱tꞌhe bi kohi ha rä hnini Lehí bi zo̱ho̱ bi tꞌembäbi En-Hacore.