Jeremías

25 «Xi di ꞌmakua kontra geꞌi, oh bo̱ka tꞌo̱ho̱ —geꞌä xä mängä Jeoba—, nuꞌi gi huati gatꞌho rä xiꞌmhai; ma gä tu̱ngi mä yꞌe̱ kontra geꞌi ꞌne ma gä tämꞌäꞌi ha yä mayꞌe ꞌne ma gä japi gi nja ngu nꞌa rä tꞌo̱ho̱ näꞌä xä zätꞌi. 30 Yä soldado de Babilonia hingä ma dä ntuhni. Xä hyoni habu̱ xä ntaki ꞌne ja xpä huhni. Xä thege yä tsꞌe̱di. Xä zo̱ho̱ xä nja ngu yä ꞌme̱hñä. Xä tsꞌo̱kuäbi yä nguu. Xä thempäbi yä goxthi. 37 ꞌNe de Babilonia ma dä gohi ho̱nse̱ nꞌa tꞌo̱ꞌtse yä do, ho̱nse̱ yä miñꞌo ma dä mꞌu̱hni, näꞌä rä luga ma dä zo̱ho̱ dä uni rä ntsu, ꞌne ma dä zo̱ho̱ dä nja ho̱nse̱ nꞌa rä tꞌo̱tꞌe pa toꞌo dä ñhu̱xi, ꞌne ya hinto ma dä mꞌu̱hni. 42 Rä ndehe xä bo̱tsꞌe ꞌne xä goꞌmi Babilonia. Po rä ndunthi nuꞌu̱ yä ola näꞌä bi ntꞌagi. 62 ꞌNe pe̱ꞌtsi te gi ꞌñenä: “Oh Jeoba nuꞌi xkä mää ge nunä luga ma dä uadi ꞌne ya hinto ma dä mꞌu̱hni, ninꞌa rä jäꞌi nixi nꞌa rä mänxo zuꞌue, ꞌne pa nzäntho ma dä gohi xä huitꞌätho”.