Isaías

32 ¡Hyandi! Nꞌa rä rey ma dä ndä pa dä yꞌo̱tꞌe rä justisia, ꞌne yä prinsipe ma dä ndä pa dä yꞌo̱tꞌe rä justisia. 2 ꞌNe kada nꞌaa ma dä zo̱ho̱ dä nja ngu nꞌa rä ntaki kontra rä bu̱nthi, ngu nꞌa rä ntaki kontra rä däyꞌe, ngu nꞌa rä nzo̱the ha nꞌa rä yꞌotꞌä hai, ngu rä xudi nꞌa rä ndo̱do näꞌä ja ha nꞌa rä yꞌotꞌä hai. 8 Nuꞌu̱ hingä yä yꞌu̱ya nzäntho beni dä uni näꞌä pe̱ꞌtsi; ꞌne ora uni de näꞌä pe̱ꞌtsi, pabi xä ñho. 16 ꞌNepu̱ rä justisia ma dä mꞌu̱i asta ha yä yꞌo̱tꞌä ꞌmatha, ꞌne näꞌä xä ñho ma dä mꞌu̱i ha rä uerta. 17 ꞌNe gatꞌho näꞌä rä justisia ma dä nja ma dä hä nꞌa rä mꞌu̱i temäꞌentho, ꞌne gatꞌho ma dä mꞌu̱i tranquilo ꞌne ya nunka toꞌo ma dä ntsu. 18 Mä hnini pe̱ꞌtsi te dä mꞌu̱i ha nꞌa rä luga habu̱ hinte mä tuhni di ja ꞌne ma dä mꞌu̱i nsi rä ntsu ha yä luga de gä tsaya.