Näꞌä ma gä pädihu̱ ha rä sección 14

Rä Hesu bi gu̱hni nuꞌu̱ yä mu̱di kristianu pa bi predika rä Tsꞌu̱tꞌhui Äjuä asta ha nuꞌu̱ yä luga mi kohi xa yabu̱. Ko rä mfatsꞌi rä mäkä tsꞌe̱di Äjuä, nuꞌu̱ bi predikabi yä jäꞌi de rꞌanꞌañꞌo yä idioma. Jeoba bi umbäbiꞌu̱ rä balo ꞌne rä tsꞌe̱di pa bi ze̱ti yä xuñha ꞌne yä ntꞌu̱tsate.

Po mäde de nꞌa rä visión, rä Hesu bi ꞌñuti rä apostol Juan tengu rä nsunda Äjuä. Ha mä nꞌa rä visión, Juan bi hyandi hanja rä Tsꞌu̱tꞌhui Äjuä ma dä huati pa nzäntho rä Zithu. Mꞌe̱fa bi hyandi ge rä Hesu ya hudi de gä Rey ko mä 144.000. ꞌNehe, bi hyandi hanja gatꞌho rä Xiꞌmhai di nheki xa mähotho, hanja gatꞌho yä jäꞌi pe̱ꞌtsi nꞌa rä mꞌu̱i temäꞌentho ꞌne di xo̱kämbeni ho̱nse̱ Jeoba.