Imformäsio pa nuꞌu̱ ma dä ntini ha rä däta mhuntsꞌi

NXIXTEHE. Nuꞌu̱ yä anciano de ri mhuntsꞌi ma dä ja yä preparativo pa njabu̱ nuꞌu̱ toꞌo dä ne dä nxixtehe, dä za dä nxixtehe xti uadi rä sesión de di xudi de rä pa nsabdo.

YÄ DONÄSIO. Nunä däta mhuntsꞌi regional ꞌmu̱i tradusido a thogi de 400 yä idioma. Nuꞌu̱ yä donäsio gi unihu̱ faxte pa dä tꞌo̱tꞌe nuya yä ꞌme̱fi. Dä za gi uni yä donäsio po mäde de Internet, ha donate.jw.org. Rä Cuerpo Gobernante xa di jamädi nuꞌu̱ yä donäsio gi uni pa gi mfaxte ha näꞌä mäkä ꞌme̱fi di tꞌo̱tꞌe po gatꞌho rä xiꞌmhai.

RÄ NGUNSADI PA YÄ EVANGELIZADOR DE RÄ TSꞌU̱TꞌHUI ÄJUÄ. Gatꞌho nuꞌu̱ yä precursor pe̱ꞌtsi entre 23 asta 65 yä je̱ya, ꞌmu̱i imbitado dä ꞌñuꞌtsi nꞌa rä solisitu pa dä ntini ha rä Ngunsadi pa yä Evangelizador de rä Tsꞌu̱tꞌhui Äjuä. Nunä solisitu dä za gi yꞌapäbi rä secretario de ri mhuntsꞌi.