Näꞌä xä thogi ha mä mäkä ꞌme̱fihu̱

Dende rä je̱ya 2014 bi mu̱di rä Ngunsadi pa yä Prekursor, ko nꞌa rä rꞌayꞌo mfistꞌofo rä thuhu Efectúa tu ministerio plenamente. Ha nuya yä ntꞌudi di tꞌe̱ntsꞌi yä bideo, yä presentasion de gä audio, ꞌne tꞌo̱tꞌe yä entrebista. ꞌNehe, nuꞌu̱ yä ku thogi dä uni yä demostrasion ja ngu di tꞌuti. Gatꞌho nuꞌu̱ yä ku xä ntini, xä matsꞌi ndunthi nunä Ngunsadi. ꞌNehe bi mpadi de hängu yä pa di dura nuꞌu̱ yä ntꞌudi. Nubye̱ di dura ho̱nse̱ rꞌato yä pa. Njabu̱, hopi ge ndunthi yä ku dä ntini ha nunä Ngunsadi. Dende rä junio asta rä agosto de rä 2014, bi tꞌo̱tꞌe 1.640 yä Ngunsadi, habu̱ bi ntini thogi de 68.000 yä prekursor.