Rꞌa yä presentasion
La Atalaya 1 de febrero
«Di umbäbihe nunä he̱ꞌmi gatꞌho yä zi jäꞌi de nunä luga. Nunä xikägihu̱ hängu rä muui pe̱ꞌtsi rä Mäkä Tꞌofo. Pa geꞌi nunä he̱ꞌmi. [Umbäbi näꞌä jäꞌi nꞌa rä tratado ¿Te gi mbeni de rä Mäkä Tꞌofo?] Rꞌa yä zi jäꞌi xä ñꞌani mu̱ rä Mäkä Tꞌofo uni yä tsꞌofo nuꞌu̱ dä za dä maxkägihu̱ pa gä tinihu̱ rä johya ha mä ꞌme̱fihu̱. Hyandi te xikägihu̱ rä Mäkä Tꞌofo de rä ꞌme̱fi. [Hñeti Eclesiastés 3:13.] Nunä rebista mää rꞌa de nuꞌu̱ yä tsꞌofo uni rä Mäkä Tꞌofo pa dä maxkägihu̱ gä tinihu̱ rä johya ha mä ꞌme̱fihu̱. ¿Gi hohmä gi hñeti?»
¡Despertad! Febrero
«Di ze̱njuahe gatꞌho yä zi besinu pa di utihe nunä rebista ¡Despertad! xä zo̱ho̱ pa nunä zänä. Nunä thädi nꞌa rä däta ntꞌani. [ꞌÑuti rä hmi de näꞌä rebista.] Xi nuꞌi, ¿te gi mbeni de nunä tsꞌofo uni rä Mäkä Tꞌofo? [Hñeti Proverbios 29:11.] ¿Gi kamfri ge dä za dä maxkägihu̱ nunä tsꞌofo? [Hyopi dä dädi näꞌä jäꞌi.] Ha nunä rebista ma gi tini goho yä tsꞌofo uni rä Mäkä Tꞌofo, ꞌne mää hanja dä za dä maxkägihu̱.»
Mä he̱ꞌmi hutsꞌi yä ꞌmede de rä Mäkä Tꞌofo
«Di ze̱njuahe gatꞌho yä zi besinu pa di xipäbihe ge mänꞌitꞌho, gatꞌho yä jäꞌi ma dä mꞌu̱i temäꞌentho habu̱ di otho yä mbidi ꞌne yä ntsu. ¿Gi hohmä gi hyandi njabu̱? [Hyopi dä dädi näꞌä jäꞌi.] Mäske yä gobiernu xä yꞌo̱tꞌe ntsꞌe̱di po dä hä nꞌa rä hogä mꞌu̱i, rä Mäkä Tꞌofo xikägihu̱ ho̱nse̱ toꞌo dä za dä hä nꞌa rä hogä mꞌu̱i pa nzäntho. [Hñeti Salmo 37:10, 11.] Äjuä ma dä hñäki gatꞌho nuꞌu̱ yä tsꞌomꞌu̱i jäꞌi, ꞌne nunka ma dä hyopi dä nja mänꞌaki yä tuhni ꞌne yä mbidi ha rä Xiꞌmhai, ꞌne nubye̱ hää, Äjuä ma dä hä nꞌa rä mꞌu̱i temäꞌentho pa gatꞌho nuꞌu̱ yä jäꞌi dä bädi de geꞌä ꞌne dä me̱päbi. Nunä mfistꞌofo Mä he̱ꞌmi hutsꞌi yä ꞌmede de rä Mäkä Tꞌofo xä matsꞌi ndunthi yä jäꞌi dä me̱päbi rä bolunta Äjuä. [ꞌÑuti nuꞌu̱ yä kꞌoi hutsꞌi ha rä ꞌmede 10 ꞌne 11 ꞌne xipäbi ge xti hñäki Äjuä yä tsꞌomꞌu̱i jäꞌi, ma dä hä nꞌa rä mꞌu̱i temäꞌentho.] Di pädi ge mu̱ gi hñeti nuya yä ꞌmede, ma dä nupꞌäꞌi ri mfeni. [Mu̱ näꞌä jäꞌi dä yꞌo̱de xä ñho, ꞌñembäbi:] Pe, ¿hämꞌu̱ ma gä handihu̱ dä uadi rä ntsꞌomꞌu̱i? Mä nꞌa rä pa gä pengi pa gä thädihu̱ nunä ntꞌani.» Xki pengi, nubye̱ usa rä ꞌmede 114 pa gi thädi nunä ntꞌani.