Programä pa rä semänä 15 de rä junio

Rä jähñä 99 ꞌne rä sadi

Rä Ntꞌudi de rä Mäkä Tꞌofo ha rä Mhuntsꞌi

my rä ꞌmede 104 (30 min.)

Rä Ngunsadi pa toꞌo udi rä Noya Äjuä

Hñeti rä Mäkä Tꞌofo: 2 Samuel 22 asta 24 (8 min.)

Thoꞌtsi 1: Gálatas 4:1-11 (Hindä thogi de 3 min.)

Thoꞌtsi 2: ¿Hämꞌu̱ bi mu̱di näꞌä mhuntsꞌi de yä testigo rä Jeoba de mäpaya? (fg rä nxii 29, rä parr. 1) (5 min.)

Thoꞌtsi 3: ¿Hanja faxkägihu̱ pa gä te̱mbäbihu̱ rä mꞌu̱i Äjuä nuya yä tsꞌofo uni 2 Corintios 7:1, Gálatas 6:10, ꞌne Efesios 4:28? (gf rä ntheke 15, yä parr. 1-4) (5 min.)

Rä Mhuntsꞌi pa Hanja gä Pe̱phu̱ Äjuä

Rä tema pa nunä zänä: «Beni nuꞌu̱ yä pa de mäyaꞌmu̱» (Deuteronomio 32:7)

Rä jähñä 88

12 min. ¿Toꞌo de nuꞌu̱ yä jäꞌi no̱ni rä Mäkä Tꞌofo mänꞌa xa gi ho? Uni nꞌa rä thoꞌtsi. Fu̱di gi entrebista yoho o hñuu yä bätsi de ha rä mhuntsꞌi. ¿Toꞌo de nuꞌu̱ yä jäꞌi no̱ni rä Mäkä Tꞌofo mänꞌa xa gi ho? ¿Te bi me̱fi näꞌä jäꞌi? ¿Te dä za gi pädi de geꞌä? Mꞌe̱fa, ꞌñudi hanja dä za dä matsꞌi yä bätsi näꞌä mfatsꞌi ja ha jw.org habu̱ enä Fichas de personajes bíblicos. (Ku̱tꞌi ha jw.org habu̱ enä ENSEÑANZAS BÍBLICAS > NIÑOS.) Kada nꞌa de nuꞌu̱ yä ficha pede nꞌa tu̱i de näꞌä jäꞌi, ehe nꞌa rä mäpa habu̱ udi habu̱ mi ꞌmu̱i, ꞌne hutsꞌi ngu te mä je̱ya bi mꞌu̱i. ꞌNehe ehe hñuu yä ntꞌani ꞌne hñuu yä mpengi. Kada nꞌa de gehyu̱ dä za gi imprimi ꞌne gi pe̱ꞌtsi. Mbitabi yä dada dä usa nuya yä ficha pa dä matsꞌi yä bätsi dä bädi de nuꞌu̱ yä jäꞌi mää rä Mäkä Tꞌofo ge bi mꞌu̱i «mäyaꞌmu̱» (Deut. 32:7).

18 min. ¿Hanja dä za gä pädihu̱ de nuꞌu̱ yä publikador pe̱ꞌtsi ndunthi rä esperiensia? Yꞌapäbi rä mfatsꞌi nuꞌu̱ xä ntini. Xki thogi ha rä parrafo yoho, mbitabi yä ku dä mää hanja xä matsꞌi dä ungä ntꞌo̱de ko nuꞌu̱ yä publikador pe̱ꞌtsi ndunthi rä esperiensia.

Rä jähñä 4 ꞌne rä sadi