Programä pa rä semänä 3 de rä agosto

Rä jähñä 108 ꞌne rä sadi

Rä Ntꞌudi de rä Mäkä Tꞌofo ha rä Mhuntsꞌi

my rä ꞌmede 113 (30 min.)

Rä Ngunsadi pa toꞌo udi rä Noya Äjuä

Hñeti rä Mäkä Tꞌofo: 1 Reyes 18 asta 20 (8 min.)

Thoꞌtsi 1: Efesios 4:1-14 (Hindä thogi de 3 min.)

Thoꞌtsi 2: ¿Ndañꞌä rä bolunta Äjuä? (jl rä nxii 3) (5 min.)

Thoꞌtsi 3: Mu̱ nꞌa rä jäꞌi ne dä me̱päbi rä bolunta Äjuä, ¿por hanja mähyoni dä umbäbi rä te Äjuä ꞌne dä nku̱ꞌmdehe? (gf rä ntheke 17, yä parr. 4-6) (5 min.)

Rä Mhuntsꞌi pa Hanja gä Pe̱phu̱ Äjuä

Rä tema pa nunä zänä: Gi mahu̱ ꞌne guä xahnihu̱ yä jäꞌi (Mateo 28:19, 20).

Rä jähñä 130

10 min. Nuꞌu̱ yä he̱ꞌmi ma gä unihu̱ pa rä agosto. Yꞌapäbi rä mfatsꞌi nuꞌu̱ xä ntini. Thoꞌtsi yoho yä presentasion nuꞌu̱ huxkua ha nunä nxii. Mꞌe̱fa yꞌapäbi yä ku dä mää te dä za gä pädihu̱ de kada nꞌa de nuya yä presentasion.

10 min. Hñeti rä foyeto Examinando las Escrituras diariamente. Yꞌapäbi rä mfatsꞌi nuꞌu̱ xä ntini. Fu̱di gi uni nꞌa rä thoꞌtsi de gä ku̱tꞌa minuto, habu̱ ma gi no̱ni rä testo de rä je̱ya 2015. Mꞌe̱fa, mbitabi yä ku dä mää te mä ora ꞌueke de yä tiempo pa di nxadi näꞌä rä testo di toka kada nꞌa rä pa. Nupäbi yä mfeni gatꞌho yä ku pa dä hñeti nzäntho rä foyeto Examinando.

10 min. Habu̱ di japä mꞌe̱di dä mpe̱fi rä mhuntsꞌi.

Rä jähñä 26 ꞌne rä sadi