¿Gi aprobecha xä ñho nuꞌu̱ yä ntꞌudi uni Jeoba?
1. ¿Te bi mängä Isaías ge ma xä thogi mäpaya?
1 Rä Zi Dada Jeoba, näꞌä mä «Däta Xahnätehu̱», ne ge nuꞌu̱ yä ꞌme̱go dä hñäni näꞌä rä ntꞌudi di ja mꞌe̱di (Is. 30:20). Hänge mäpaya, go geꞌä di gu̱tꞌä rä ꞌñuu pa dä tꞌuti yä jäꞌi ja ngu nunka xki nheki. Rä profeta Isaías bi mää ge yä miyontho yä jäꞌi de gatꞌho rä Xiꞌmhai ma xä bo̱tsꞌe ha «rä tꞌo̱ho̱ de rä nguu [o rä hnini] Jeoba» (Is. 2:2). ¿Xi pa te? Pa njabu̱ Jeoba dä ꞌñuti de nuꞌu̱ yä ꞌñuu (Is. 2:3).
2. ¿Hanja xä maxꞌäꞌi nuꞌu̱ yä ntꞌudi xkä hñäni de Äjuä?
2 Hängu yä ntꞌudi xtä hänihu̱. ¡Hängu xä maxkägihu̱ nuꞌu̱ yä ntꞌudi xä rꞌakägihu̱ Jeoba! Po geꞌä di pädihu̱ ndaꞌä rä thuhu ꞌne di pähu̱ ge turämu̱i po gekhu̱ (Sal. 83:18; 1 Ped. 5:6, 7). ꞌNehe, xtä timbäbihu̱ yä mpengi nuꞌu̱ yä däta ntꞌani ngu: ¿Por hanja di sufrihu̱ ꞌne di tuhu̱? ¿Hanja dä za gä tinihu̱ näꞌä xa mäjuäni rä johya? O, ¿pa te xtä mꞌu̱ihu̱? Pe hingä ho̱nse̱ꞌä, Jeoba ꞌnehe utkägihu̱ hanja ri ꞌñehe gä ꞌmu̱ihu̱ pa dä bo̱ni xä ñho gatꞌho näꞌä gä pe̱fihu̱ (Jos. 1:8).
3. ¿Pa te tꞌutkägihu̱ gä ñꞌofohu̱ ꞌne gä hetihu̱ rä he̱ꞌmi ꞌne hanja faxkägihu̱?
3 Rä Zi Dada Jeoba ꞌnehe uni mä nꞌa rä ntꞌudi mähotho pa nuꞌu̱ toꞌo hingi pädi dä ñꞌofo ꞌne dä hñeti rä he̱ꞌmi. Nuꞌu̱ yä ntꞌudiꞌu̱, xä matsꞌi ndunthi yä publikador ꞌne märꞌa yä zi jäꞌi nuꞌu̱ di ntini ha yä mhuntsꞌi. Mu̱ di ja mꞌe̱di ha rä mhuntsꞌi, yä ansiano dä za dä organisa nuꞌu̱ yä ntꞌudi. ¿Xi pa te? Pa njabu̱ “toꞌo dä hñäni nuya yä ntꞌudi, dä za dä bädi dä ñꞌofo ꞌne dä hñeti rä he̱ꞌmi, pa njabu̱ dä za dä nxadi rä Mäkä Tꞌofo ꞌne dä za dä ꞌñuti de Äjuä märꞌa yä zi jäꞌi” (km-S 10/11 rä nxii 4; be-S yä nxii 21-23). Mu̱ gä aprobechahu̱ nuꞌu̱ yä ntꞌudi rꞌakägihu̱ Jeoba, ma dä maxkägihu̱ pa gä pe̱ꞌtshu̱ nꞌa rä hogä mꞌu̱i mäpaya ꞌne pa xudi ndämäni dä za gä ꞌmu̱hu̱ ha näꞌä rä rꞌayꞌo xiꞌmhai ma dä hä Jeoba (Sal. 119:105; Juan 17:3).