Programä pa rä semänä 21 de rä septiembre

Rä jähñä 8 ꞌne rä sadi

Rä Ntꞌudi de rä Mäkä Tꞌofo ha rä Mhuntsꞌi

fg rä ntheke 4, yä ntꞌani 1-3 (30 min.)

Rä Ngunsadi pa toꞌo udi rä Noya Äjuä

Hñeti rä Mäkä Tꞌofo: 2 Reyes 19 asta 22 (8 min.)

Thoꞌtsi 1: Filipenses 4:1-9 (Hindä thogi de 3 min.)

Thoꞌtsi 2: ¿Hanja yä testigo rä Jeoba bi za bi dini näꞌä xa mäjuäni udi rä Mäkä Tꞌofo? (jl rä ntheke 3, yä parr. 2-4) (5 min.)

Thoꞌtsi 3: ¿Te mä mꞌu̱i mi ja ha rä uädri Eden? (ll rä nxii 8 ꞌne 9) (5 min.)

Rä Mhuntsꞌi pa Hanja gä Pe̱phu̱ Äjuä

Rä tema pa nunä zänä: Xa ma gä uñhu̱ ntꞌo̱de yä rꞌayꞌo hogä noya (Hechos 20:24).

Rä jähñä 97

10 min. ¿Hanja bi mpe̱fi rä mhuntsꞌi? Nunä thoꞌtsi ma dä uni rä superintendente de servicio. Mää hanja bi mpe̱fi rä mhuntsꞌi dende rä septiembre de 2014 asta rä agosto de 2015. No̱ni nuꞌu̱ yä hogä tꞌo̱tꞌe bi me̱fi rä mhuntsꞌi ꞌne nupäbi yä mfeni yä ku. Mää ho̱nse̱ nꞌaa o yoho yä tꞌo̱tꞌe, habu̱ dä hogi dä mpe̱fi rä mhuntsꞌi nunä je̱ya ꞌne xipäbi hanja dä za dä ja.

10 min. Nuꞌmu̱ xa di uñhu̱ ntꞌo̱de yä rꞌayꞌo hogä noya bi hä yä hogä tꞌo̱tꞌe. Yꞌapäbi yä mfatsꞌi nuꞌu̱ xä ntini pa dä mede nuꞌu̱ yä esperiensia hutsꞌi ha rä Anuario 2015, rä nxii 54, rä parrafo 1. Rä nxii 56, rä parrafo 2 asta rä nxii 57, rä parrafo 1. ꞌNehe rä nxii 63, rä parrafo 2 asta rä nxii 64, rä parrafo 1. Mꞌe̱fa de kada nꞌaa, yꞌambäbi yä ku te bi bädi de geꞌu̱.

10 min. «¿Gi aprobecha xä ñho nuꞌu̱ yä ntꞌudi uni Jeoba?» Yꞌo̱tꞌe yä ntꞌani. Mꞌe̱fa, entrebista nꞌa de nuꞌu̱ yä publikador xä hñäni rä mfatsꞌi pa bi bädi dä ñꞌofo ꞌne dä hñeti rä he̱ꞌmi.

Rä jähñä 117 ꞌne rä sadi