Hanja dä za gä uñhu̱ ntꞌo̱de mänꞌa xä ñho: tsoogi nꞌa rä ntꞌani pa gi ja rä rebisita

POR HANJA XA MÄHYONI:

Di nehu̱ gä sigi gä ꞌñunihu̱ nuꞌu̱ yä zi ndaa de rä noya Äjuä dä potꞌihu̱ (1Co 3:6). Mu̱ ha rä tꞌungä ntꞌo̱de dä tinihu̱ nꞌa rä jäꞌi näꞌä bi ho bi yꞌo̱de, dä za gä tsokuäbihu̱ nꞌa rä ntꞌani pa gä thädihu̱ mä nꞌa rä pa. Njabu̱, näꞌä jäꞌi dä do̱bgägihu̱ ꞌne mänꞌa hindi hei gä ñhokihu̱ pa rä rebisita. Xkä pengihu̱, dä za gä xipäbihu̱ ge di tso̱ñhu̱ pa gä thädihu̱ näꞌä ntꞌani dä tsokuäbihu̱.

TE DÄ ZA GÄ PE̱FIHU̱:

• Ora gi ñhoki pa gi po̱ni gi ungä ntꞌo̱de, mbeni te mä ntꞌani dä za gi tsokuäbi yä jäꞌi pa gi thädi xki pengi gi ja rä rebisita. Dä za gi hñäi nꞌa rä ntꞌani de näꞌä he̱ꞌmi ma gi uni o ha nꞌa de nuꞌu̱ yä he̱ꞌmi di usahu̱ pa di unihu̱ yä estudio, ꞌne xki pengi dä za gi hñäꞌspäbi näꞌä he̱ꞌmi.

• Mꞌe̱fa de gi ñäui nꞌa rä jäꞌi näꞌä bi yꞌo̱de xä ñho, xipäbi ge gi ne gi sigi gi ñähu̱ mä nꞌa rä pa. Yꞌo̱tpäbi nꞌa rä ntꞌani pa gi thädi xki pengi gi ja rä rebisita ꞌne yꞌapäbi yä dato mu̱ dä za.

• Mu̱ gä xipäbi näꞌä jäꞌi te mä pa ꞌne te mä ora ma gi pengi, kumpli näꞌä gä mää (Mt 5:37).