Ester bi ñäni rä hnini Äjuä

Ester bi ꞌñudi nꞌa rä däta jamfri ꞌne himbi ntsu pa bi ñäni rä hnini Äjuä

• Rä rey hixki nzohni Ester po 30 yä pa. Pe mäske njabu̱, Ester bi ma bä nuu mäske mi pädi ge xä za xä tho.

• Rä rey Asuero (zäi go geꞌä mi tꞌembi Jerjes I) xa mrä bo̱ka. Nꞌa rä pa bi mända dä the̱ki mädetho nꞌa rä jäꞌi ꞌne bi tꞌuti gatꞌho yä jäꞌi pa njabu̱ nuyu̱ xä ntsu ꞌne xä bädi te xä za xä thogi mu̱ hinxä yꞌo̱te näꞌä mi mändaꞌä. Asuero ꞌnehe bi hñäkuäbi rä nsu de gä reinä näꞌä rä ꞌme̱hñä mi rä thuhu Basti ngeꞌä himbi yꞌo̱te.

• Ester ma xä xipäbi rä rey ge näꞌä mrä judia. Pe hingä ho̱nse̱ꞌä, ꞌnehe ma xä xipäbi rä rey ge näꞌä rä consejero, xki mää yä nkꞌuamba.