Ester himbi hyoni rä ñhose̱, ꞌne bi me̱päbi mꞌe̱tꞌo Jeoba ꞌne rä hnini

Ester himbi ntsu nixi bi hyoni rä ñhose̱ nuꞌmu̱ bi ñämbäbi rä hnini Jeoba

8:3-5, 9

• Ester ꞌne Märdokeo hinte ma xä tꞌo̱tꞌpäbi, pe Amän ya xki uni nse̱ki pa dä tho gatꞌho yä judio ꞌne näꞌä mhändaꞌä ya xki ꞌme̱hni ha gatꞌho nuꞌu̱ yä luga habu̱ mi mända rä rey.

• Rä rey hixki nzohni Ester, pe mäske njabu̱ nuni bi ma bä nuu mänꞌaki mäske mi pädi ge xä za xä tho. Ester bi nzoni po rä hnini ꞌne bi bäntebi rä rey ge xä hñäki näꞌä rä mhända xki uni de dä tho yä judio.

• Nuꞌu̱ yä mhända ya xki seya rä rey, ya himi tsa dä mꞌati. Pe rä rey bi umbäbi nse̱ki Ester ꞌne Märdokeo pa dä yꞌofo mä nꞌa rä mhända.

Jeoba bi matsꞌi rä hnini pa bi ntäte

8:10-14, 17

• Näꞌä mhända bi hyoki Ester ꞌne Märdokeo, mi umbäbi nse̱ki yä judio dä ntuhni pa dä ñäni yä te.

• Yä mensajero nguntꞌä bi hñäxä näꞌä mhändaꞌä ha gatꞌho nuꞌu̱ yä luga habu̱ mi mända rä rey. Hänge yä judio bi ñhoki pa dä ntuhni.

• Ndunthi yä jäꞌi bi hyandi näꞌä bi me̱fi rä Zi Dada Jeoba po rä hnini, hänge ndunthi de geꞌu̱ bi zo̱ho̱ bi mꞌu̱i ja ngu yä judio ꞌne bi me̱päbi Jeoba ꞌnehe.