MA GÄ UDIHU̱ MÄNꞌA XÄ ÑHO
Hanja dä za gä uñhu̱ ntꞌo̱de mänꞌa xä ñho: hyokise̱ ri presentasion pa yä rebista
POR HANJA XA MÄHYONI: Mäske dä za dä maxkägihu̱ nuꞌu̱ yä presentasion ehe ha rä nxii 1 de nunä he̱ꞌmi, nuya ho̱nse̱ uni nꞌa rä ejemplo. Nuꞌi dä za gi hyokise̱ nꞌa ri presentasion de näꞌä temaꞌä, ja ngu gi handi ge di ja mꞌe̱di ha rä territorio. Pa geꞌä mähyoni gi hñeti te hutsꞌi ha näꞌä he̱ꞌmi ma gi uni. ꞌNepu̱, hyandi hanja xä thoki nuꞌu̱ yä presentasion ꞌne yä bideo. Mꞌe̱fa, hyokise̱ ri presentasion, pe yꞌo̱tꞌe ngue̱nda nuya yä tsꞌofo.
TE DÄ ZA GÄ PE̱FIHU̱:
¿Ma gi usa nꞌa de nuꞌu̱ yä presentasion ehe ha nunä he̱ꞌmi?
MU̱ HÄÄ
Mbeni mꞌe̱tꞌo näꞌä ma gi xipäbi nꞌa rä jäꞌi mꞌe̱fa de gi ze̱njua, ꞌne xipäbi por hanja gi tso̱ni. (Por ejemplo: «Dä ehe gä ze̱njuaꞌi ngeꞌä...».)
Mbeni te mä ntꞌani ma gi yꞌo̱tpäbi näꞌä jäꞌi, te mä testo de rä Mäkä Tꞌofo ma gi hñeti, pa dä za gi tsokuäbi nꞌa de nuꞌu̱ yä he̱ꞌmi di unihu̱ näꞌä zänäꞌä. (Por ejemplo, mꞌe̱fa de gi yꞌo̱tpäbi nꞌa rä ntꞌani, dä za gi ꞌñembi: «Hyandi hanja rä Mäkä Tꞌofo thädi nunä ntꞌani».)
MU̱ HINÄ
De näꞌä rebista di toka gä unihu̱ näꞌä zänäꞌä, huahni nꞌa rä tema näꞌä gi pädi ge ma dä ho yä jäꞌi de rä territorio.
Mbeni te mä ntꞌani dä za gi usa pa njabu̱ näꞌä jäꞌi dä za dä mää te di mbeni. Pe ogi o̱tpäbi yä ntꞌani nuꞌu̱ dä za dä japi dä ntsa o dä nkue̱. (Por ejemplo: dä za gi usa nuꞌu̱ yä ntꞌani ehe ha rä nxii 2 de yä rebista.)
Huahni nꞌa rä testo ꞌne hñeti. (Pe rä rebista ¡Despertad!, xä thoki pa nuꞌu̱ yä jäꞌi kasi hinte pädi de rä Mäkä Tꞌofo o nuꞌu̱ hingi pe̱ꞌspäbi rä komfiansa yä relijion, hänge ya go gi nubu̱ mu̱ gi hñeti nꞌa rä testo o hinä.)
Mbeni te mä noya ma gi usa pa gi xipäbi näꞌä jäꞌi hanja ma dä matsꞌi näꞌä artikulo gä ꞌñuti.
MꞌE̱FA
Mbeni te mä ntꞌani ma gi tsokuäbi pa gi thädi xki ja rä rebisita.
Yꞌofo näꞌä imformasion ma dä maxꞌäꞌi pa gi ja xä ñho ri rebisita.