YÄ TESORO DE RÄ NOYA ÄJUÄ | JOB 21-27
Job xa bi ze̱ti pa himbi gamfri nuꞌu̱ yä nhemhñä ꞌne yä tsꞌo mfeni bi sipäbi
Rä Zithu mää yä nhemhñä pa dä japi xi dä duyämu̱i yä ꞌme̱go Jeoba ꞌne pa dä senti ge hinte yä muui. Pe rä mfistꞌofo Job mää ge nuꞌu̱ yä nkꞌuamba xä gu̱tsꞌi rä Zithu hingä mäjuäni, ꞌne udi näꞌä xa mäjuäni di senti Jeoba po nuju̱. Ha nunä sección yꞌofo märꞌa yä testo de rä Mäkä Tꞌofo nuꞌu̱ udi ge rä Zi Dada Jeoba hää di mäꞌi ꞌne turämu̱i po geꞌi.
RÄ ZITHU XÄ MÄÄ: |
PE GEHNÄ MÄNGÄ JEOBA: |
|---|---|
Ge Äjuä xa adi ndunthi ꞌne ge hingi handi ko rä muui näꞌä pe̱fi yä ꞌme̱go, mäske nuyu̱ xa o̱tꞌe ntsꞌe̱di po dä me̱päbi rä bolunta (Job 4:18; 25:5). |
Jeoba handi ko ndunthi rä muui gatꞌho näꞌä di o̱tꞌehu̱ po gä pe̱päbihu̱ rä bolunta (Job 36:5). |
Ge pa Äjuä hinte di muui yä jäꞌi (Job 22:2). |
Jeoba numäñho ꞌne jäpigihu̱ nuꞌmu̱ di yꞌohu̱ mänjuäntho ha rä ꞌñuu (Job 33:26; 36:11). |
Ge mu̱ dyä hojäꞌihu̱ o hinä, Äjuä hindi mportabi (Job 22:3). |
Jeoba nzäntho di su nuꞌu̱ yä hojäꞌi (Job 36:7). |