Yä ku ꞌne yä nju ha rä däta mhuntsꞌi internacional de rä 2014 ha Nueva Jersey (Estados Unidos)
Rꞌa yä presentasion pa nunä zänä
¡DESPERTAD!
Rä he̱ꞌmi: Dä ehe gä tsokꞌäꞌi nunä rebista ¡Despertad!
Rä ntꞌani: Hyandi nunä ntꞌani huxkua ha rä nxii 2. ¿Te gi mbeni de gehnä?
Rä testo: Mt 11:19
Nunä artikulo udi ge rä Mäkä Tꞌofo faxte ndunthi mu̱ gä pe̱fihu̱ nuꞌu̱ yä tsꞌofo uni.
¡DESPERTAD!
Rä ntꞌani: ¿Gi kamfri ge nunä tsꞌofo dä za dä maxkägihu̱ mäpaya?
Rä testo: Mt 6:34
Rä he̱ꞌmi: [ꞌÑuti näꞌä artikulo «El punto de vista bíblico: La ansiedad»]. Nunä artikulo xikägihu̱ te dä za gä pe̱fihu̱ nuꞌmu̱ di tsahu̱ ge hingi tsa gä häkihu̱ de ha mä mfenihu̱ yä dumu̱i ꞌne yä ntso̱ꞌmi.
TE UDI RÄ MÄKÄ TꞌOFO
Rä ntꞌani: Ndunthi yä jäꞌi kamfri Äjuä ꞌne dä hohmä dä me̱ꞌtsi nꞌa rä hogä ntsitsꞌi kongeꞌä. ¿Gi pädi? Rä Mäkä Tꞌofo di mbitagihu̱ gä jonihu̱ ko Äjuä.
Rä testo: Snt 4:8a
Rä he̱ꞌmi: Nunä mfistꞌofo xä thoki pa gä pädi gä usahu̱ rä Mäkä Tꞌofo, ꞌne njabu̱ gä pädihu̱ de Äjuä. [ꞌÑuti rä ntheke 1 de rä mfistꞌofo Te udi rä Mäkä Tꞌofo.]
PA GI YꞌOFOSE̱ RI PRESENTASION
Hyandi hanja ehe nuꞌu̱ yä presentasion, pa gi hyokise̱ nꞌa ri presentasion.