ꞌÑuti hanja dä me̱päbi Jeoba nsinke dä tsaya

Ora nuꞌu̱ yä rꞌayꞌo publikador di tꞌuti dende ri mu̱di ge mähyoni dä predika tatꞌä semänä ꞌne ko rä johya, mänꞌa pädi dä predika xä ñho (Pr 22:6; Flp 3:16). Ma gä handihu̱ rꞌa yä tsꞌofo nuꞌu̱ ma dä maxꞌäꞌi pa gi ꞌñuti ri estudio hanja dä predika:

• Ora dä ñꞌanunsia ge nꞌa ri estudio ya rä publikador, nguntꞌä ꞌñuti hanja dä predika (km 8/15 rä nxii 1). ꞌÑuti ge xa mähyoni dä hñutsꞌi ha rä orario te mä pa de rä semänä ma dä bo̱ni dä predika (Flp 1:10). Xipäbi nuꞌu̱ yä tꞌo̱tꞌe mähotho de rä territorio (Flp 4:8). Nupäbi rä mfeni pa dä bo̱ni dä predika ko rä superintendente de rä grupo ꞌne ko nuꞌu̱ märꞌa yä publikador pa njabu̱ dä me̱ꞌtsi rä esperiensia (Pr 1:5; km-S 10/12 rä nxii 6, rä parr. 3).

  

• Sigi gi ꞌñuti ꞌne gi nupäbi rä mfeni näꞌä ri estudio mäske ya bi nxixtehe, mänꞌa mu̱ tobe gi umbäbi rä estudio ko rä mfistꞌofo «Amor de Dios» (km-S 12/13 rä nxii 7).

  

• Ora gi predika ko nꞌa rä rꞌayꞌo publikador usa nꞌa rä presentasion näꞌä hinxä ñhei. Felisita ora dä uadi dä ñäui nꞌa rä jäꞌi ꞌne umbäbi rꞌa yä hogä tsꞌofo de hanja dä za dä hyoki mänꞌa xä ñho (km-S 5/10 rä nxii 7).