Hanja gi yꞌofo nꞌa rä karta

• Yꞌofo ri dirección. Mu̱ hingi ne gi yꞌofo nuꞌu̱ ri dato, dä za gi yꞌapä nse̱ki yä ansiano pa gi hñutsꞌi rä dirección rä Ngu de gä Mhuntsꞌi. Pe NUNKA debe gi usa rä dirección rä ngu Betel pa ja dä mꞌe̱hnini yä karta.

• Mu̱ gi pädi te rä thuhu näꞌä jäꞌi, yꞌopäbi rä thuhu. Njabu̱ hingä ma dä imäjinä ge ja tegi ne gi papäbi.

• Hyandi mu̱ xkä ofo xä ñho, mu̱ xä ntꞌaxi näꞌä rä nxii ꞌne mu̱ o rä ꞌñuu näꞌä gä ofo. Mu̱ ma gi yꞌofo de gä yꞌe̱tho, yꞌo̱tꞌe ntsꞌe̱di po gi yꞌofo xä ñho ri letra. Ora ma gi yꞌofo nꞌa rä karta, usa nuꞌu̱ yä noya udi rä tꞌekꞌei ꞌne hingi hei toꞌo dä ntiende.

Jaua nꞌa rä ejemplo de hanja dä za gi yꞌofo nꞌa rä karta. Ora gi ne gi yꞌopäbi nꞌa rä karta nꞌa rä jäꞌi de rä territorio, ogi kopia nunä karta. Mänꞌa dä hogi gi yꞌo̱tꞌe ngue̱nda te ngu yä nzäi yä jäꞌi, te tupäbi yä mu̱i ꞌne te gi ne gi logra ko näꞌä karta.