YÄ TESORO DE RÄ NOYA ÄJUÄ | ÉXODO 10, 11
Moisés ꞌne Aarón xa myä baliente
10:3-6, 24-26, 28; 11:4-8
Moisés ꞌne Aarón xa bi japäbi mꞌe̱di ndunthi rä balo pa bi ma bä ñäui rä faraón. ¿Por hanja? Ngeꞌä de gatꞌho rä xiꞌmhai, faraón go geꞌä mänꞌa xa mi ja rä nsu ꞌne rä mhända. ¿Hanja bi me̱ꞌtsi rä balo Moisés ꞌne Aarón pa bi ma bä ñäui faraón? Rä Biblia enä: «Po rä jamfri rä Moisés bi bo̱ni de Egipto ꞌne himbi zupäbi rä kue̱ nuꞌä rä ndä de gehni. ꞌNe bi sigi ko nuꞌä xki beni dä yꞌo̱tꞌe ngeꞌä mi kamfri ge mi ñꞌoui Äjuä mäske himi handi» (Heb 11:27). Hää, ¡Moisés ꞌne Aarón mi pe̱ꞌspäbi ndunthi rä komfiansa rä Zi Dada Jeoba!
¿Habu̱ di ja mꞌe̱di gi pe̱ꞌtsi ndunthi rä balo pa gi defende näꞌä gi kamfri?