Ma gä handihu̱ rä te ja ngu handi Äjuä

21:20, 22, 23, 28, 29

Pa rä Zi Dada Jeoba, mä tehu̱ xa ja ndunthi rä muui. ¿Hanja dä za gä udihu̱ ge di handihu̱ rä te ja ngu handiꞌä?

• Ma gä udihu̱ näꞌä xa mäjuäni rä mhäte ꞌne rä tꞌekꞌei po märꞌaa (Mt 22:39; 1Jn 3:15).

• Pa gä udihu̱ näꞌä rä mhäteꞌä, mähyoni gä predikahu̱ ko ndunthi rä johya (1Co 9:22, 23; 2Pe 3:9).

• Ma gä o̱thu̱ gatꞌho näꞌä dä za pa gä häkihu̱ nuꞌu̱ yä peligro dä za dä japi dä nja nꞌa rä aksidente (Pr 22:3).

Mu̱ di handihu̱ rä te ja ngu handi Äjuä, ¿te ma gä pe̱fihu̱ pa hingä tuxu̱ rä thai po rä te mä mikꞌeihu̱?