Hingä pe̱fihu̱ näꞌä pe̱fi märꞌa yä jäꞌi

23:1-3

Ha näꞌä rä Ley bi tꞌumbäbi Moisés, rä Zi Dada Jeoba bi mändabi nuꞌu̱ yä nzaya ge himi debe dä huahnitho toꞌo dä yꞌo̱tpäbi rä justisia ꞌne toꞌo hinä. ꞌNehe bi mändabi nuꞌu̱ mi tsꞌohni de gä testigo ge dä mängä ho̱nse̱ näꞌä mäjuäni ꞌne hindä gu̱xä yä nkꞌuamba. Hää, tanto nuꞌu̱ yä nzaya ngu nuꞌu̱ mi tsꞌohni de gä testigo, himi debe dä deha toꞌo dä presionäbi pa dä me̱fi nꞌa rä tsꞌo tꞌo̱tꞌe. ¿Te dä za gä pädihu̱ de gehnä? Mäpaya, nuꞌu̱ yä jäꞌi hingi pädi Äjuä rꞌabu̱ di presionägihu̱ pa gä de̱mbäbihu̱ yä mꞌu̱i, pe nuju̱ hindi debe gä de̱nihu̱ de gä goda (Ro 12:2).

¿Por hanja hinxä ñho gä de̱mbäbihu̱ yä mꞌu̱i nuꞌu̱ hingi pädi Äjuä...

• ... ora di o̱dehu̱ toꞌo xani yä nhemhñä o pede yä nkꞌuamba?

• ... ora di huahnihu̱ yä dibersio, hanja gä ñꞌeñähu̱ o te mä dutu gä hehu̱?

• ... ora tso ha mä mfenihu̱ o di nthe̱uihu̱ nuꞌu̱ yä jäꞌi yä riko, yä hyoya, o nuꞌu̱ yä jäꞌi de märꞌa yä hnini o nuꞌu̱ di nꞌañꞌo yä kolo?