Jamäsu näꞌä rä hogä ntsitsꞌi gi pe̱ꞌtsi ko rä Zi Dada Jeoba

Yä testigo rä Jeoba di pe̱ꞌtsihu̱ nꞌa rä däta nsu de gä ntsitsꞌihu̱ ko rä Zi Dada Jeoba. Po mäde de rä Tꞌu̱, Jeoba xä jakägihu̱ gä jonihu̱ kongeꞌä ꞌne o̱de ora di xatuäbihu̱ (Sl 34:15; Jn 6:44).

¿Hanja dä za gä suhu̱ näꞌä rä ntsitsꞌi di pe̱ꞌtsihu̱ ko rä Zi Dada Jeoba? Hingä pe̱fihu̱ näꞌä bi me̱fi yä israelita. Mäyaꞌmu̱ yä israelita bi prometebi rä Zi Dada Jeoba ge ma xä me̱päbi rä bolunta ꞌne ma xä yꞌo̱te gatꞌho yä mhända. Pe himbi thogi ndunthi yä pa de xki ja nunä promesa, nuꞌu̱ bi hyoki nꞌa rä tꞌu̱kä doro de gä oro pa go bi ndäneꞌä (Éx 32:7, 8; 1Co 10:7, 11, 14). Hänge mähyoni gä o̱tꞌehu̱ nuya yä ntꞌani: «¿Te di pe̱fi ora tso̱kägi nꞌa rä tentasio? ¿Ko näꞌä di pe̱fi di udi ge pa geki mänꞌa ja ndunthi rä muui näꞌä mä ntsitsꞌi ko rä Zi Dada Jeoba?». Näꞌä rä mhäte di pe̱ꞌspäbihu̱ rä Zi Dada Jeoba, geꞌä ma dä jakägihu̱ gä ꞌuegehu̱ de nuꞌu̱ yä tentasio tso̱kägihu̱ (Sl 97:10).

HYANDIHU̱ RÄ BIDEO JAMÄSU NÄꞌÄ RÄ HOGÄ NTSITSꞌI GI PE̱ꞌTSI KO RÄ ZI DADA JEOBA (COL 3:5). MꞌE̱FA THÄDIHU̱ NUYA YÄ NTꞌANI:

• ¿Te signifika yä tsꞌo nkꞌatꞌi?

• ¿Por hanja mähyoni gä u̱tsahu̱ nuꞌu̱ yä tsꞌo nkꞌatꞌi, ꞌne hingä hopäbihu̱ ge go dä kupa näꞌä rä luga ri ꞌñepäbi rä Zi Dada Jeoba?

• ¿Por hanja ante yä da rä Zi Dada Jeoba, mähye̱gi rä ndäta näꞌä rä pekado toꞌo hatꞌi rä däme o rä ꞌme̱hñä ꞌne toꞌo xo̱kämbeni yä idolo ꞌne yä imagen?

• ¿Por hanja nuꞌu̱ yä ku pe̱ꞌtsi yä responsabilida ha rä mhuntsꞌi, hindi debe dä deskuida yä ꞌme̱hñä?