Ma gä umfu̱ rä Zi Dada Jeoba gatꞌho näꞌä tsu̱kägihu̱

5:5-7, 11

Mäyaꞌmu̱ ha rä hnini Israel, yä jäꞌi mi hätsꞌi yä ofrenda pa dä johyabi rä koraso rä Zi Dada Jeoba ꞌne dä me̱ꞌtsi nꞌa rä hogä ntsitsꞌi kongeꞌä. Asta nuꞌu̱ yä israelita xa mi hyoya, mi uni de gä ofrenda gatꞌho näꞌä mi tsu̱päbi. Nuyu̱ mi tsa dä hñätsꞌi nꞌa tu̱i rä arinä. Pe nunä arinä hingä näꞌä xki bongi, sino ke näꞌä xa mrä «hogä» arinä xki tꞌeke pa mi tꞌumbäbi ho̱nse̱ nuꞌu̱ yä imbitado mi ja yä däta nsu (Gé 18:6). Mäpaya hindi mporta mu̱ di hyoyahu̱ o di rikohu̱, mu̱ di umbäbihu̱ rä Zi Dada Jeoba gatꞌho näꞌä tsu̱kägihu̱, näꞌä häni ko rä johya (Heb 13:15).

¿Hanja di nupkägihu̱ mä mfenihu̱ gä pädihu̱ njabu̱ mu̱ ya hingi tsa gä pe̱päbihu̱ rä Zi Dada Jeoba ngu mä mꞌe̱tꞌo?