«Nuga ma gä mꞌu̱i kongeꞌi ora xki ñä»

4:10-15

Moisés ya himbi ntsu ora bi bädi ge rä Zi Dada Jeoba ma xä mꞌu̱i kongeꞌä pa xä matsꞌi. ¿Te dä za gä pädihu̱ de näꞌä bi xipäbi Jeoba Moisés?

• Ge hindi debe gä e̱nthu̱ ha mä mfenihu̱ ho̱nse̱ näꞌä hingi tsa gä pe̱fihu̱.

• Ge mähyoni gä pe̱ꞌspäbihu̱ ndunthi rä komfiansa rä Zi Dada Jeoba ge näꞌä ma dä maxkägihu̱, ꞌne ma dä rꞌakägihu̱ gatꞌho näꞌä di honihu̱ pa gä pe̱fihu̱ näꞌä di mändagihu̱.

• Ge mu̱ di pe̱ꞌspäbihu̱ rä komfiansa rä Zi Dada Jeoba, geꞌä ma dä maxkägihu̱ pa hingä tsuhu̱ te dä xikägihu̱ o te dä yꞌo̱tkägihu̱ yä jäꞌi.

Mäske rꞌabu̱ di jakägi xä ñhei, ¿hanja faxkägi rä Zi Dada Jeoba gä sigi gä predika?