MÄ MꞌU̱IHU̱ NGU YÄ KRISTIANU
Ma gä tratahu̱ nuꞌu̱ yä zi dängä nju ngu mä nänähu̱ ꞌne nuꞌu̱ yä bäsjäꞌi ngu mä njuhu̱
Ha rä Mäkä Tꞌofo, Äjuä di mändagihu̱ gä tratahu̱ nuꞌu̱ yä zi dängä yä ku, ngu mä dadahu̱, ꞌne nuꞌu̱ tobe yä bäsjäꞌi ngu mä kuhu̱ (hñeti 1 Timoteo 5:1, 2). Pe ꞌnehe Äjuä di mändabi yä ñꞌo̱ho̱ dä trata ko ndunthi rä mhäte ꞌne rä tꞌekꞌei nuꞌu̱ yä nju.
Nꞌa rä ku nunka di debe dä xaxi o dä koketeabi nꞌa rä nju (Job 31:1). Nuꞌu̱ yä ku tobe hinxä nthäti, hingi debe dä koketeabi nꞌa rä nju, nixi dä umbäbi yä raso pa dä mbeni ge di ho, mu̱ hingi nemänthäti.
Yä anciano debe dä jamäsu ora nꞌa rä nju ja te ambäbi o xipäbi de nꞌa rä asunto näꞌä tupäbi rä mu̱i. ꞌNehe yä anciano ri ꞌñehe dä umbäbi rä mfatsꞌi nuꞌu̱ yä zi nju hingi pe̱ꞌtsi o yä joꞌo yä däme (Rut 2:8, 9).
HYANDIHU̱ RÄ BIDEO MA GÄ UDIHU̱ NÄꞌÄ «RÄ MHÄTE HINGI FAYA» HA RÄ MHUNTSꞌI: NUꞌU̱ YÄ ZI BIUDA ꞌNE YÄ ZI HYOYA. MꞌE̱FA THÄDIHU̱ NUYA YÄ NTꞌANI:
¿Te bi me̱fi yä ku de rä mhuntsꞌi pa bi ꞌñudi rä mhäte po rä zi nju Myint?
¿Por hanja yä besinu rä zi nju Myint bi nsunda rä Zi Dada Jeoba?
¿Hanja bi benefisiabi nuꞌu̱ yoho yä tꞌixu rä zi nju Myint näꞌä rä mhäte bi ꞌñudi yä ku de rä mhuntsꞌi?
¿Hanja dä za gi ꞌñudi ge gi turimu̱i po nuꞌu̱ yä zi nju de rä mhuntsꞌi?