Sigi gi entrenä ri mfeni pa gi ju̱ yä hogä desision

Ja ngu nꞌa rä jäꞌi di entrenä pa mänꞌa dä nja rä tsꞌe̱di, nuju̱ ꞌnehe debe gä sigi gä entrenä mä mfenihu̱ pa gä ju̱hu̱ yä hogä desision (Heb 5:14). Mäske hingi hei gä pe̱fihu̱ näꞌä pe̱fi märꞌaa, debe gä entrenä mä mfenihu̱ pa gä huahnise̱hu̱ yä hogä desision. ¿Por hanja? Ngeꞌä kada nꞌa de gekhu̱ ma gä umbäbihu̱ ngue̱nda Äjuä (Ro 14:12).

Hingi debe gä mbenihu̱ ge koꞌmu̱ ya di pe̱ꞌtsihu̱ ndunthi yä je̱ya de dä nxixtehehu̱, ma gä ju̱hu̱ yä hogä desision. Pa gä ju̱hu̱ yä hogä desision, mähyoni gä pe̱ꞌspäbihu̱ rä komfiansa rä Zi Dada Jeoba, rä Noya ꞌne rä hnini (Jos 1:7, 8; Pr 3:5, 6; Mt 24:45).

HYANDIHU̱ RÄ BIDEO «PE̱ꞌTSIHU̱ NꞌA RÄ HOGÄ KONSIENSIA», MꞌE̱FA THÄDIHU̱ NUYA YÄ NTꞌANI:

• 

  ¿Te mä desision pe̱ꞌtsi te xä gu̱ Emma?

• 

  Ha nuꞌu̱ yä asunto habu̱ kada nꞌa rä ku debe dä desidise̱, ¿por hanja hinxä ñho gä xipäbihu̱ te debe dä me̱fi?

• 

  ¿Te bi xipäbi nꞌa rä medinthäti ge xä me̱fi Emma?

• 

  ¿Habu̱ bi dini Emma näꞌä rä imformäsio mi japäbi mꞌe̱di?