27 de rä septiembre–3 de rä oktubre
JOSUÉ 6, 7
Rä jähñä sjj-S 144 ꞌne rä sadi
Mää te ma gä pädihu̱ (1 min.)
YÄ TESORO DE RÄ NOYA ÄJUÄ
«Ma gä ꞌuegehu̱ de nuꞌu̱ yä tꞌo̱tꞌe hinte di muui» (10 min.)
Hyoni hanja dä maxꞌäꞌi rä Noya Äjuä (10 min.)
Jos 6:20. ¿Hanja di pädihu̱ ge yä israelita himbi gotꞌi po ndunthi yä pa rä hnini Jericó? (w15-S 15/11 rä nxii 13, yä parr. 2, 3).
De nuꞌu̱ yä testo gä heti ha rä Biblia nunä semänä, ¿te utꞌäꞌi de Jeoba, o te mä tsꞌofo gä tini näꞌä gi handi ge ma dä maxꞌäꞌi ha ri mꞌu̱i o ha rä predicación?
Hñeti rä Mäkä Tꞌofo (4 min.): Jos 6:1-14 (th rä lección 10).
MA GÄ UDIHU̱ MÄNꞌA XÄ ÑHO
Fu̱di gi ñäui nꞌa rä jäꞌi (3 min.): Usa näꞌä rä idea ehe habu̱ enä «Njaua dä za gi predika». Näꞌä jäꞌi ma dä ja nꞌa rä ntꞌani o nꞌa rä pretesto pa hindä yꞌo̱de, pe nuꞌi ma gi hyoni hanja dä za gi predikabi (th rä lección 12).
Rä rebisita (4 min.): Fu̱di gi usa näꞌä rä idea ehe habu̱ enä «Njaua dä za gi predika». ꞌNepu̱, ꞌñuti näꞌä jäꞌi rä bideo ¿Por hanja mähyoni gä nxadihu̱ rä Mäkä Tꞌofo?, ꞌne ñähu̱ de gehnä (pe ogi e̱ntsꞌi) (th rä lección 9).
Rä curso de rä Mäkä Tꞌofo (5 min.): lffi rä lección 1, rä punto 3 (th rä lección 8).
MÄ MꞌU̱IHU̱ NGU YÄ KRISTIANU
Näꞌä xä me̱fi rä hnini Äjuä (5 min.): Yꞌe̱ntsꞌi rä bideo Näꞌä xä me̱fi rä hnini Äjuä di toka gä handihu̱ pa nunä zänä septiembre.
Nuꞌu̱ hingi o̱te Äjuä hingi pabi xä ñho (10 min.): Yꞌapäbi rä mfatsꞌi nuꞌu̱ xä ntini. Yꞌe̱ntsꞌihu̱ Nꞌa xe̱ni de rä bideo: Gatꞌho näꞌä xä mää nixi nꞌa rä noya hinxä mꞌe̱di. ꞌNepu̱ yꞌo̱tꞌe nuya yä ntꞌani: ¿Te xki mända Jeoba dä tꞌo̱tpäbi nuꞌu̱ yä kosa mi ja ha Jericó? ¿Te bi me̱fi Acán ꞌne rä familia, ꞌne por hanja? ¿Te utkägihu̱ nunä thogi? Mbitabi gatꞌho yä ku dä hyandi xo̱ge rä bideo.
Ntꞌudi de rä Mäkä Tꞌofo ha rä mhuntsꞌi (30 min.): lfb rä ntheke 67.
Yä noya pa dä uadi (3 min.)
Rä jähñä sjj 101 ꞌne rä sadi