Ha jw.org ma gi tini nuꞌu̱ yä konseho ma dä maxꞌäꞌi

Ja ngu xtä handihu̱, rä Noya Äjuä rꞌakägihu̱ yä konseho nuꞌu̱ faxkägihu̱ pa gä pädihu̱ te gä pe̱fihu̱ ora di thogihu̱ nꞌa rä xuñha (2Ti 3:1, 16, 17). Pe mäske njabu̱, rꞌabu̱ di honihu̱ toꞌo dä maxkägihu̱ gä tinihu̱ nuꞌu̱ yä tsꞌofoꞌu̱. Por ejemplo, rꞌabu̱ yä dada honi rä mfatsꞌi pa dä educa yä zi bätsi. Rꞌabu̱ yä bäsjäꞌi honi rä mfatsꞌi pa dä däpäbi nuꞌu̱ yä xuñha ꞌne yä prueba thogi. Märꞌa yä zi ku di ñhandui yä dumu̱i ora di ꞌme̱di nꞌa rä familia o nꞌa rä amigo ha rä du. Hänge rä hnini rä Zi Dada Jeoba xä rꞌakägihu̱ nꞌa rä mfatsꞌi: Rä página jw.org. Ha nunä página hutsꞌi nuꞌu̱ yä konseho uni rä Biblia pa nuꞌu̱ yä xuñha di ñhanduihu̱ mäpaya (Pr 2:3-6).

Ku̱tꞌi ha jw.org ꞌnepu̱ su̱ꞌti habu̱ enä YÄ NTꞌUDI DE RÄ MÄKÄ TꞌOFO ꞌne huahni nꞌa de nuꞌu̱ huxpu̱ ha rä lista (hyandi rä dibujo 1). Gehnä mä nꞌa rä opción: Mu̱ ya gä ku̱tꞌi ha jw.org, su̱ꞌti habu̱ enä RÄ BIBLIOTEKA > YÄ SERIE DE YÄ ARTIKULO ꞌne huahni nꞌa de nuꞌu̱ huxpu̱ ha rä lista (hyandi rä dibujo 2). Gehnätho ma gi tini mu̱ gi ku̱tꞌi ha rä aplicación JW Library^®.a ¡Ku̱tꞌi pa gi hyandi te mä imformäsio ofrese! ꞌNehe, ha rä página jw.org ma gi hyandi ge asta mäñä ja nꞌa rä zi lupa ꞌne enä «Hyoni». Nuua dä za gi yꞌofo pa gi hyoni näꞌä imformäsio gi ne.

Usa nunä zi lupa pa gi hyoni näꞌä imformäsio xiꞌi nuua. ꞌNepu̱, de näꞌä lista ma dä bo̱ni yꞌofo ndaꞌä gi hohmä gi hñeti.

• Educa ri bätsi

• Yä bäsjäꞌi

• Nuꞌu̱ yä jäꞌi xä du