Ma gä usahu̱ jw.org/oto nuꞌmu̱ di uñhu̱ ntꞌo̱de: «Yꞌo̱tꞌe ri amigo Jeoba»

Ha jw.org/oto habu̱ enä «Yä he̱ꞌmi» ma gi tini nꞌä rä mfatsꞌi xä thoki pa yä bätsi rä thuhu «Yꞌo̱tꞌe ri amigo Jeoba». Ha nunä luga ma gi tini rꞌa yä bideo (de gä ñho̱mfo̱, ꞌnehe ku̱u̱ rꞌa yä thuhu ꞌne märꞌa yä ꞌme̱fi). ¿Ya xkä usa nunä mfatsꞌi nuꞌmu̱ gi ungä ntꞌo̱de? ¿Pe̱ꞌtsi yä tꞌu̱kä bätsi rꞌa de nuꞌu̱ ri estudio? ¡Xa dä hogi gi ꞌñuti nuꞌu̱ yä bideo! Geꞌä xä japi ndunthi yä zi jäꞌi dä yu̱tꞌi ha jw.org pa dä hyoni märꞌa yä mfatsꞌi.

Nꞌa rä ku bi umbäbi nꞌa zi ꞌme̱hñä näꞌä tratado rä thuhu ¿Dä za dä nuhu mänꞌaki nuꞌu̱ yä jäꞌi xä du? Nunä ꞌme̱hñä nguntꞌä bi mu̱di bi hñeti näꞌä tratado, ꞌne asta nuꞌu̱ yä zi bätsi mi ne dä bädi te mi mää näꞌä he̱ꞌmiꞌä. Hänge näꞌä ku bi xipäbi nꞌa tu̱i näꞌä mi hutsꞌi, ꞌne bi ꞌñuti näꞌä dirección de näꞌä luga di pe̱ꞌtsihu̱ ha Internet. Näꞌä ku bi hyandi ge näꞌä ꞌme̱hñä ꞌne nuꞌu̱ yä zi bätsi xa bi ho, hänge ko rä celular bi ꞌñutuäbi nꞌa de nuꞌu̱ yä bideo de Caleb.

Nꞌa rä nju, ha rä ꞌme̱fi bi ñäui nꞌa rä ꞌme̱hñä näꞌä pe̱ꞌtsi yä tꞌu̱kä bätsi ꞌne bi xipäbi ge ha jw.org ja rꞌa yä mfatsꞌi pa yä familia. Näꞌä ꞌme̱hñä ko yä bätsi bi hyoni ꞌne bi yu̱tꞌi ha nunä luga ja ha Internet. Mꞌe̱fa, näꞌä ꞌme̱hñä bi xipäbi näꞌä nju, ge nuꞌu̱ yä bätsi xa bi ho näꞌä jähñä «Predica la palabra», ꞌne xa mi tuhu ha yä nguu.

Nuju̱ ꞌnehe, dä hogi gä pädihu̱ te gatꞌho ja ha jw.org/oto habu̱ enä «Yꞌo̱tꞌe ri amigo Jeoba», ꞌne dä za gä käꞌmihu̱ rꞌa de nuꞌu̱ yä bideo ja. Njabu̱, ma gä ñhokihu̱ pa gä usahu̱ nunä däta mfatsꞌi nuꞌmu̱ di po̱ñhu̱ di uñhu̱ ntꞌo̱de, ꞌne di pe̱päbihu̱ mä zi Hmuuhu̱ ngu yä ꞌme̱go (Hech. 20:19).